मालवणात बॅरिस्टर नाथ पै सेवांगणच्या खुल्या 'मान्सून अम्ब्रेला पेंटिंग' कार्यशाळेचे आयोजन.

सुप्रसिद्ध 'रंगसत्वाग्रही कलाशिक्षक' बलराम सामंत व स्नेहल सावंत यांचे मार्गदर्शन लाभणार. 

बॅरिस्टर नाथ पै सेवांगणच्या वतीने कार्यवाह लक्ष्मीकांत खोबरेकर यांची माहिती.  

मालवण | प्रतिनिधी : मालवण शहरात बॅरिस्टर नाथ पै सेवांगण यांच्या वतीने 'मान्सून अम्ब्रेला पेंटिंग कार्यशाळे'चे आयोजन करण्यात आले आहे. शुक्रवार, २६ जून २०२६ रोजी बॅरिस्टर नाथ पै सेवांगण, धुरीवाडा, मालवण येथे दुपारी ३ ते सायंकाळी ६ वेळेत ही कार्यशाळा होणार आहे. यावेळी सुप्रसिद्ध रंगसत्वाग्रही कलाशिक्षक बलराम सामंत व स्नेहल सावंत या मार्गदर्शन करणार आहेत. 

यावेळी सहभागींना छत्री, रंग आणि कुंचला देण्यात येणार आहे. या कार्यशाळेसाठी मर्यादित प्रवेश असून ₹३००/_ ( अक्षरी : रुपये तीनशे) नोंदणी शुल्क आहे. ही कार्यशाळा सर्वांसाठी खुली असून जास्तीत - जास्त विद्यार्थी, तरुण, पालक, ज्येष्ठ नागरिकांनी सहभाग घ्यावा.

या संदर्भात अधिक माहितीसाठी वैष्णवी आचरेकर (९४०४७७६५५७) आणि बॅरिस्टर नाथ पै सेवांगण व्यवस्थापक संजय आचरेकर (९४२१५६९७०४) यांच्याशी संपर्क साधावा अशी माहिती बॅरिस्टर नाथ पै सेवांगणच्या वतीने कार्यवाह लक्ष्मीकांत खोबरेकर यांनी दिली आहे.