आडवलीत स्वामी भक्त आणि सेवेकरी यांचे रस्त्याच्या डागडुजीसाठी श्रमदान.
आडवलीत स्वामी भक्त आणि सेवेकरी यांचे रस्त्याच्या डागडुजीसाठी श्रमदान.
मसुरे | प्रतिनिधी : मालवण तालुक्यातील आडवली येथील अष्टगणकोट समर्थगड येथे स्वामी भक्त आणि सेवेकरी यांच्या श्रमदानातून श्री स्वामी समर्थ मठाकडे येणाऱ्या सुमारे ३ किलोमीटर रस्त्याची डागडुजी करण्यात आली. सेवेच्या भावनेतून भक्तांनी एकत्र येत हा रस्ता वाहतुकीसाठी पूर्णपणे योग्य बनवला आहे. हा रस्ता पक्का डांबरी करावा अशी मागणी स्वामी भक्तांमधून होत आहे.
अष्टगणकोट समर्थगड येथील रस्ता अत्यंत खराब झाला होता. खड्डे आणि दुरवस्थेमुळे वाहनचालकांना तसेच पादचाऱ्यांना त्रास सहन करावा लागत होता. ही समस्या सोडवण्यासाठी मठाचे सेवेकरी आणि स्वामी भक्तांनी पुढाकार घेतला. शेकडो स्वामी भक्तांनी आणि सेवेकऱ्यांनी हातात कुदळ, फावडे घेऊन श्रमदानाला सुरुवात केली. रस्त्यावरील खड्डे भरणे, झाडीझुडपे छाटणे आणि रस्ता समपातळीत आणण्याचे काम करण्यात आले. सर्वांच्या एकत्रित प्रयत्नांमुळे हा ३ किमी रस्ता पूर्ण झाला आहे.
या श्रमदानामुळे मठाकडे येणारा मार्ग सुकर झाला असून, वाहतुकीची मोठी कोंडी आणि अडथळे दूर झाले आहेत. मठाचे अध्यक्ष सुनिल घाडीगावकर यांनी याबाबत श्रमदानातील सहभागींची प्रशंसा केली.
यावेळी माजी सभापती राजू परुळेकर, रमेश घाडीगावकर, सोनू सावंत, यशवंत कुबल, सुनिल पाटील यांच्या मार्गदर्शनाखाली सेवेकऱ्यांनी श्रमदान केले. सुनिल घाडीगावकर यांनी सर्वांचे आभार मानले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
समान विभागातील बातम्या
मसुरे येथे शिवसेनेची बि. एल. ए. संदर्भात आढावा बैठक संपन्न.
कोकण आघाडी उत्तर मुंबई जिल्हाध्यक्षपदी सुरेश मापारी.
खोटले येथे गुरुपौर्णिमा सोहळा भक्तीभावात साजरा.
कुडाळ माड्याचीवाडी येथील श्री स्वामी समर्थ मठात गुरुपौर्णिमा उत्सवाचे आयोजन.
कुडाळ माड्याचीवाडी येथील श्री स्वामी समर्थ म...
