चिंदर साईमंदिर येथे २२ व्या वर्धापन दिनानिमित्त विविध कार्यक्रमांचे आयोजन.
चिंदर साईमंदिर येथे २२ व्या वर्धापन दिनानिमित्त विविध कार्यक्रमांचे आयोजन.
आचरा | ब्यूरो न्यूज : मालवण तालुक्यातील चिंदर येथे चिंदर बाजारातील साईमंदिरात २२ व्या वर्धापनदिन सोहळ्यानिमित्त साईभंडारा व श्री सत्यनारायणाची पूजा आयोजित करण्यात आली आहे. गुरुवार, २१ मे रोजी या सोहळ्यानिमित्त धार्मिक व सांस्कृतिक कार्यक्रम आयोजित करण्यात आले आहेत.
सकाळी ८ वाजता साईंच्या मूर्तीवर लघुरुद्र, सकाळी १० वाजता श्री सत्यनारायणाची पूजा, दुपारी १ ते ३ महाप्रसाद व संध्याकाळी ७ वाजता स्थानिक भजने होणार आहेत. तसेच रात्री १० वाजता कलेश्वर दशावतार नाट्यमंडळ नेरूर यांचा 'विधी घटना' हा दशावतारी नाट्यप्रयोग सादर होणार आहे.
तरी या सोहळ्यासाठी सर्व भाविकांनी उपस्थित रहात तीर्थ प्रसाद व महाप्रसादाचा लाभ घ्यावा, असे आवाहन साई समिती चिंदर बाजार यांच्या वतीने करण्यात आले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
