'शाब्बास मितू.....!'

माणगांवच्या कु. मिताली मनाली मिलिंद धुरी हिचा नवोदय विद्यालयात प्रवेशानंतर विविध स्तरातून अभिनंदन व सदिच्छांचा वर्षाव.

ब्यूरो न्यूज : कुडाळ तालुक्यातील माणगावच्या कु. मिताली मनाली मिलिंद धुरी हिने, अत्यंत आव्हानात्मक मानल्या जाणाऱ्या सांगेलीच्या 'जवाहर नवोदय विद्यालयात' प्रवेश प्राप्त केला आहे. तिने प्रवेश परीक्षेत ९१.२५% गुण कमावून इयत्ता ६ वी मध्ये तिचा प्रवेश निश्चित केला आहे.

कु. मिताली हिचे प्राथमिक शिक्षण, जिल्हा परिषद शाळा नंबर १, माणगाव येथे झाले. पहिली ते पाचवी दरम्यान तिने विविध स्पर्धांमध्ये तिचे वर्चस्व टिकवून ठेवले होते. तिच्या आतापर्यंतच्या सर्वांगीण शैक्षणिक कालावधीत तसेच या यशात तिला तिच्या आई - वडिलांसह शिक्षक एकनाथ कुर्लेकर, ज़ियाउद्दीन ख़तीब आणि शिक्षिका सौ. संचिता सावंत यांचे मार्गदर्शन लाभले. 

कु. मिताली हिच्या या यशाबद्दल तिचे वडिल पत्रकार श्री. मिलिंद धुरी आणि आई सौ. मनाली मिलिंद धुरी यांनी आनंद व्यक्त केला आहे. कु. मिताली व श्री. मिलिंद रामा धुरी परिवारावर अभिनंदन व सदिच्छांचा वर्षाव होत आहे. कु. मिताली हिची जिद्द व चिकाटी तसेच नेहमी पहिल्या तीन क्रमांकात राहण्याच्या सचोटीचे फळ तिला या यशाच्या रूपाने मिळाले आहे अशी प्रतिक्रिया व्यक्त होत आहे.