ओंकार 'नाऊ...!' ( विशेष )

ओंकार वैशाली विकास गावकर यांची 'प्रतिष्ठेच्या परीक्षेत' डिस्टींक्शनसह सुवर्णपदकीय कामगिरी.

विविध स्तरातून प्रशंसा. 

विशेष : सिंधुदुर्ग जिल्ह्यातील मालवणच्या ओंकार वैशाली विकास गावकर याने पुण्यातील एमआयटी कॉलेजमध्ये डिस्टींक्शनसह सुवर्णपदक पटकावले आहे. पुणे येथील नामांकित 'महाराष्ट्र इन्स्टिट्यूट ऑफ टेक्नॉलॉजी' म्हणजेच एमआयटी कॉलेजचा सिव्हिल इन्फ्रास्ट्रक्चर अँड कन्स्ट्रक्शन विभागाचा निकाल जाहीर झाला आहे. मालवणच्या ओंकार विकास गावकर यांनी महाविद्यालयात प्रथम क्रमांक पटकावला आहे. ही परीक्षा अत्यंत प्रतिष्ठेची मानली जाते.  त्यांच्या यशाबद्दल जिल्ह्यातल्या विविध स्तरांतून अभिनंदन होत आहे.  

ओंकार गावकर हे त्यांच्या संपूर्ण शालेय शैक्षणिक जीवनात सदैव विकसनशिल विद्यार्थी म्हणून परिचीत होते. त्यांना इयत्ता दहावीत ९७.६० टक्के गुण प्राप्त झाले होते. त्यानंतर पुणे येथील महाविद्यालयातून त्यांनी प्रथम क्रमांकासह डिप्लोमा पूर्ण केला होता.  

ओंकार गावकर यांचे पालक श्री. विकास गावकर व सौ. वैशाली विकास गावकर यांनी अत्यंत खडतर परिस्थितीचा सामना करत, ओंकार यांच्या बालपणीपासून सर्वांगीण विकसनशिलतेचा आग्रह धरला होता. ओकार यांनी त्यांच्या, पालकांच्या पाल्याप्रती उद्देशांना व कळकळीला नेहमीच 'सुविद्य विनयशीलतेने' प्रतिसाद दिला होता. प्रशालेतील शिक्षणा सोबत ओंकार गावकर यांचा क्रीडा, कला, डिजिटल प्रसारण सेवा असा विविध क्षेत्रातील सक्रीय सहभाग हा एका ग्रामीण भागातील होतकरू पाल्याला विविध यशांनी नटलेला विद्यार्थी अशी ओळख देऊन जात आहे याबद्दल ओंकार वैशाली विकास गावकर यांची विविध स्तरातून मुक्तकंठाने प्रशंसा व अभिनंदन होत आहे. 

ओंकार गांवकर यांनी सतत काहीतरी शिकत व त्यामध्ये दैदीप्यमान यशप्राप्ती करत, 'नाऊ व्हाॅट' किंवा 'आता काय' अशा प्रश्नावर अत्यंत मेहनतीने, अभ्यासूपणे आणि तरिही सहजतेने मात करत स्वतःचे 'ओंकार नाऊ..' असे कालानुरूप अद्यावत व्यक्तिमत्व विकसीत केले आहे.