भंडारी ए. सो. हायस्कुल व कनिष्ठ महाविद्यालयाच्या शलाका वार्षिकांकाचे प्रकाशन.
भंडारी ए. सो. हायस्कुल व कनिष्ठ महाविद्यालयाच्या शलाका वार्षिकांकाचे प्रकाशन.
मालवण | ब्यूरो न्यूज : महाराष्ट्र दिन २०२६ चे औचित्य साधून मालवण येथील भंडारी एज्युकेशन सोसायटीज हायस्कूल व ज्युनियर कॉलेजच्या शलाका वार्षिकांकाचे प्रकाशन मान्यवरांच्या उपस्थितीत संपन्न झाले.
यावेळी प्रशालेचे मुख्याध्यापक एच. बी. तिवले, पर्यवेक्षक आर. डी. बनसोडे, ग्रंथपाल प्रफुल्ल देसाई, प्रा. बांदेकर, शिक्षिका संजना सारंग, सरोज बांदेकर, शिक्षक आर. बी. देसाई, वरिष्ठ लिपिक पी. टी. गोसावी, प्राथमिक शाळेचे मुख्याध्यापक भूपेश गोसावी आदी उपस्थित होते.
यावेळी संबोधित करताना भंडारी एज्युकेशन सोसायटी मालवण मुंबईच्या लोकल कमिटीचे सेक्रेटरी दशरथ कवटकर यांनी 'शलाका वार्षिकांक' उपक्रमाद्वारे विद्यार्थीदशेतूनच साहित्यिक घडत जाण्याची संधी असल्याचे सांगत उपक्रमाच्या विविध उद्देशांची प्रशंसा केली. यावेळी श्री. कवटकर यांनी विद्यार्थ्यांच्या साहित्यविषयक जाणीवांचे आणि कलागुणांचे कौतुक केले.
प्रारंभी मुख्याध्यापक एच. बी. तिवले यांनी उपस्थितांचे स्वागत केले. ग्रंथपाल प्रफुल्ल देसाई यांनी प्रास्ताविक केले. पर्यवेक्षक आर. डी. बनसोडे यांनी आभार मानले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
