शिवसेना उद्धव बाळासाहेब ठाकरे पक्षाच्या वतीने मालवणात पारंपारिक शिवजयंतीनिमित्त श्री सत्यनारायणाची महापूजा व विविध कार्यक्रम.

शिवसेना उद्धव बाळासाहेब ठाकरे पक्षाच्या वतीने शिवप्रेमी, शिवसैनिक, पदाधिकारी, कार्यकर्ते आणि नागरीकांच्या उपस्थिती व सहभागाचे आवाहन.

मालवण : पारंपारिक शिवजयंतीनिमित्त, मालवणात 'शिवसेना उद्धव बाळासाहेब ठाकरे' पक्षाच्या मालवण शाखेच्या वतीने, दरवर्षीप्रमाणे पारंपारिक शिवजयंती निमित्त यंदा १८ एप्रिल २०२६ रोजी सकाळी १० वाजता 'श्री सत्यनारायण महापूजा' आयोजित करण्यात आली आहे. मालवण एस टी स्टॅंड जवळच्या वाघ पिंपळ समोरील 'सिताई काॅम्प्लेक्स' येथे शिवसेना उद्धव बाळासाहेब ठाकरे शाखेत हा उत्सव साजरा होत असल्याची माहिती, शिवसेना उद्धव बाळासाहेब ठाकरे पक्षाचे मालवण तालुकाप्रमुख हरी खोबरेकर व शहरप्रमुख पृथ्वीराज उर्फ बाबी जोगी यांनी शिवसेना उद्धव बाळासाहेब ठाकरे पक्ष, मालवण यांच्यावतीने प्रसिद्धी संदेशाद्वारे जाहीर केली आहे.

या उत्सवात संध्याकाळी ७ वाजता सुस्वर भजनाचा कार्यक्रम ठेवण्यात आलेला आहे. सर्व शिवप्रेमी, शिवसैनिक, पदाधिकारी व कार्यकर्ते आणि मालवणवासियांनी श्री सत्यनारायण पूजा व तीर्थ प्रसादाचा लाभ घ्यावा तसेच सोहळ्यात उपस्थित राहून सहभागी व्हावे असे आवाहन शिवसेना उद्धव बाळासाहेब ठाकरे, मालवण शाखा यांच्या वतीने करण्यात आले आहे.