हिंदळे वाचनालय येथे ग्रंथ प्रदर्शनाला उत्स्फूर्त प्रतिसाद.

मसुरे | प्रतिनिधी :  भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त, देवगड तालुक्यातल्या हिंदळे ग्रामीण वाचनालय, हिंदळे मार्फत डॉ. बाबासाहेब आंबेडकर यांच्या जीवनावर, घटनेवर, विचारांवर आधारित पुस्तकांचे प्रदर्शन हिंदळे वाचनालय येथे आयोजित करण्यात आले होते. प्रदर्शनात मांडलेल्या विविध पुस्तकांचे वाचन करत विद्यार्थ्यांनी त्यांचे अभिप्राय कथन केले. 

विद्यार्थ्यांना वाचनासाठी प्रेरणा मिळावी, वाचनाची आवड निर्माण व्हावी तसेच डॉ. बाबासाहेब आंबेडकर यांचे विचार आत्मसात व्हावेत यासाठी ग्रंथ प्रदर्शन आयोजित करण्यात आले होते. 

यावेळी उपस्थित मान्यवरांनी विद्यार्थ्यांना मार्गदर्शन केले. यावेळी हिंदळे भंडारवाडा शाळा विद्यार्थी - विद्यार्थिनी, शिक्षक तसेच इतर विध्यार्थी सहभागी झाले होते. यावेळी सरपंच मकरंद शिंदे, किरण हळदणकर, मंगेश हिर्लेकर, संतोष आचरेकर, दयानंद तेली. परेश खोत, सुधीर पारकर, अब्दुलगफूर आगा, सुनिल पारकर, मनोज जाधव, अनिरुद्ध अभ्यंकर, योगेश पाटील, मंगेश मयेकर, मनोहर मोदी, वाचनालय लिपिक प्रकाश बोरकर, ग्रंथापाल सौ. मिताली हिर्लेकर, हिंदळे भंडारवाडा शाळा शिक्षिका सौ. शीतल मयेकर यांच्यासह ग्रामस्थ उपस्थित होते.