जिल्हाप्रमुख दत्ता सामंत यांना महायुतीच्या ऐतिहासिक विजयाचा विश्वास.

जिल्हा परिषद व पंचायत समिती निवडणुकांमधल्या महायुतीच्या 'नियोजनबद्ध प्रचार यंत्रणे' च्या यशाची १००% खात्री.

विरोधकांचे आव्हानच नसल्याचा पुनुरुच्चार...! 

मालवण | ब्यूरो न्यूज : शिवसेना जिल्हाप्रमुख दत्ता सामंत यांनी आगामी जिल्हा परिषद व पंचायत समिती निवडणुकांमधल्या ऐतिहासिक यशाबद्दल विश्वास व्यक्त केला आहे. याबाबत बोलताना जिल्हाप्रमुख दत्ता सामंत यांनी, खासदार नारायण राणे, शिवसेना मुख्य नेते उपमुख्यमंत्री एकनाथ शिंदे, भाजप प्रदेशाध्यक्ष रवींद्र चव्हाण, उद्योगमंत्री उदय सामंत, पालकमंत्री नितेश राणे, आमदार निलेश राणे, आमदार दीपक केसरकर तसेच नियोजनबद्ध प्रचार यंत्रणा अशा प्रभावशाली व विशेष परिणामकारक घटकांच्या माध्यमातून जिल्हा परिषद तसेच पंचायत समिती निवडणुकांमधल्या १०० % यशाचा विश्वास दर्शविला आहे.  

जिल्हाप्रमुख दत्ता सामंत यांनी सांगितले की, देशात पंतप्रधान नरेंद्र मोदी तर राज्यात मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्या नेतृत्वाखालील सरकारची यशस्वी वाटचाल सुरू असून नुकत्याच झालेल्या नगरपालिका, महानगरपालिका निवडणुकीत महायुतीला राज्यात अपेक्षेपेक्षा मोठे यश मिळाले. सिंधुदुर्गात होणाऱ्या जिल्हा परिषद आणि पंचायत समितीच्या निवडणुकीत देखील महायुतीला अशाच प्रकारे भव्यदिव्य यश मिळेल असा विश्वास त्यांनी व्यक्त केला. आमदार निलेश राणे यांच्या माध्यमातून कुडाळ मालवण विधानसभा मतदारसंघात मोठ्या प्रमाणात विकास कामे सुरू आहेत. गेल्या दोन अधिवेशनांमध्ये आमदार निलेश राणे यांनी अभ्यासपूर्व मुद्दे मांडून मतदार संघात विकास निधी आणण्यात यश मिळवले. यामुळे याचा फायदा जिल्हा परिषद आणि पंचायत समिती निवडणुकीला महायुतीला होऊन शंभर टक्के जागांवर आमचे उमेदवार सहज विजय होतील असे सांगून आम्हाला विरोधकांचे कोणतेही आव्हान नाही असेही जिल्हाप्रमुख दत्ता सामंत यांनी अधोरेखीत केले. त्यामुळे शिवसेना उद्धव बाळासाहेब ठाकरे पक्षाचे अनेक पदाधिकारी, कार्यकर्ते आणि उमेदवार महायुतीकडे आकर्षित होतानाचे चित्र जिल्ह्यात दिसून येत आहे. मालवण मध्ये जिल्हा परिषदेच्या सहा आणि पंचायत समितीच्या १२ तर कुडाळमध्ये जिल्हा परिषदेच्या नऊ आणि पंचायत समितीच्या १८ ही जागांवर महायुतीचे उमेदवार विजयी होतील असा विश्वास दत्ता सामंत यांनी व्यक्त केला.

सौजन्य | मालवण ब्यूरो