शिवसेना मालवण तालुकाप्रमुख पदी मंदार लुडबे नियुक्त.

प्रकाशन: 27 Jan 2026 03:56 PM

वाचन संख्या 300

बातम्या, मालवण, राजकीय, सुयोग पंडित (मुख्य संपादक)

शेअर करा: Facebook Twitter WhatsApp Telegram

शिवसेना मालवण तालुकाप्रमुख पदी मंदार लुडबे नियुक्त.

आमदार निलेश राणे यांच्या उपस्थितीत जिल्हाप्रमुख दत्ता सामंत यांनी दिले नियुक्तीपत्र.

मालवण | ब्यूरो न्यूज : शिवसेनेचे देवबाग विभागप्रमुख मंदार संजय लुडबे यांची तालुकाप्रमुख पदी नियुक्ती झाली आहे. आमदार निलेश राणे यांच्या उपस्थितीत जिल्हाप्रमुख दत्ता सामंत यांनी मंदार लुडबे यांना नियुक्तीपत्र देऊन त्यांचा अभिनंदपर सत्कार केला.

यावेळी तालुकाप्रमुख विनायक बाईत, राजा गावडे, युवासेना जिल्हाप्रमुख संग्राम साळसकर, जिल्हा बँक संचालक बाबा परब, युवासेना तालुकाप्रमुख अभि लाड, शिवसेना तालुका चिटणीस मकरंद राणे, छोटू ठाकूर, संदीप भोजने, उमेश बिरमोळे, महेश लुडबे, सूरज बिरमोळे यांसह पदाधिकारी उपस्थित होते.

युवा स्तरावर, तालुका तसेच जिल्हा स्तरावर आमदार निलेश राणे व जिल्हाप्रमुख दत्ता सामंत यांच्या मार्गदर्शनाखाली विविध जबाबदारी पेललेल्या मंदार लुडबे यांच्यातील उपजत तसेच गेल्या काही निवडणुकांच्या माध्यमातून विकसीत झालेला 'स्थीर आणि खंबीर रचनात्मक राजकीय दृष्टीकोन' त्यांना नूतन जबाबदारीसाठी उपयुक्त ठरेल अशी प्रतिक्रिया विशेष राजकीय तज्ञांमधून व्यक्त होत आहे.

विभाग:

बातम्या मालवण राजकीय सुयोग पंडित (मुख्य संपादक)

(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)