तोंडवळी तळाशिल येथे २० व २१ डिसेंबर रोजी सर्फ फिशिंग स्पर्धा.

तोंडवळी तळाशिल येथे २० व २१ डिसेंबर रोजी सर्फ फिशिंग स्पर्धा.

कोकण एक्स्ट्रीम अँगलर्सच्या वतीने आयोजित स्पर्धेत १२० हून अधिक अँगलर्सचा लागणार कस..!

घसघशीत बक्षिसांची रेलचेल..!

ब्यूरो न्यूज : कोकण एक्स्ट्रीम अँगलर्सच्या वतीने, २० आणि २१ डिसेंबर रोजी तोंडवळी तळाशिल समुद्र किनाऱ्यावर होणारी सर्फ फिशिंग स्पर्धा आयोजित करण्यात आली आहे.

या स्पर्धेत १२०पेक्षा अधिक अँगलर्स, ३ सत्रे, आणि समुद्राच्या लाटांमध्ये रंगणारी कौशल्याची लढत पाहायला मिळणार आहे. रील व रॉडच्या सहाय्याने गळाने मासे पकडण्याची ही स्पर्धा सकाळी आणि संध्याकाळी होणार आहे.

या स्पर्धेत मास्यांची लांबी व प्रजातीवर आधारित गुणांक पद्धतीचा अवलंब होणार असून आकर्षक रोख पारितोषिके (₹५०, ००० / ₹४०,०००/ ₹३०, ०००/_), ट्रॉफी व टॅकल्स, तसेच महिला स्पर्धकांसाठी विशेष पुरस्कार अशी घसघशीत बक्षिसांची रेलचेल असणार आहे.

कोंकणातील सर्फ फिशिंग संस्कृतीला नवे बळ देणारी ही स्पर्धा साहसी खेळप्रेमींना भुरळ घालणार आहे अशी प्रतिक्रिया व्यक्त होत आहे.