अनिल कांदळकर यांच्या इशाऱ्याची बांधकाम विभागाने घेतली दखल.

त्वरीत काम पूर्ण करण्याची दिली हमी

ब्यूरो न्यूज : मालवण तालुक्यातील विरण बाजार पेठेतील बंदीस्त गटारांचे काम अपूर्ण असतानाही सार्वजनिक बांधकाम उपविभाग मालवण यांनी दुर्लक्ष केल्याने येथील जनतेला व वाहतुकीला धोका निर्माण झाला होता कारण विरण बाजार पेठेतील मुख्य नाक्यावरील गटारे बंदीस्त बांधण्यात न आल्याने या ठिकाणी दोन्ही बाजूला वाहने वळताना पुरेशी जागा नाही व उघडी गटारे असल्यामुळे वाहने चालकासह थेट गटारात जातात व अपघात होत आहेत या गंभीर समस्येची दखल घेऊन माजी बांधकाम सभापती अनिल कांदळकर यांनी नुकताच माध्यमांच्या द्वारे बांधकाम उपविभाग मालवण यांना इशारा दिला होता. विरण - पोईप बाजार पेशशतील ब्रीज वर पडलेले खड्डे आणि वाळूचे साम्राज्य यामुळे बाजार पेठेतील व्यापारी, रहिवासी व वाहन चालक हैराण झाले आहेत त्या बाबतही संबंधित खात्याला जाब विचारला असतानुकतीच बांधकाम उपविभाग मालवण चे कनिष्ठ अभियंता पुरुषोत्तम भोय व दिपक तोडवल यांनी विरण बाजार येथे कांदळकर यांनी भेट घेतली व बंदिस्त गटारांच्या अपुर्ण कामाची व विरण पोईप ब्रीज वरील खड्डे, धुळीचे साम्राज्य यांची पाहणी केली असून काही बंदिस्त गटारे उघडी आहेत त्यांच्यावर दोन दिवसांत झाकणी घातली जातील तर मुख्य नाक्यावर दुतर्फा बंदिस्त गटारे बांधकाम करण्यासाठी आपण त्वरित एसटीमेंट बनवून त्याला निधी मंजूर करून घेऊन डीसेंबर पर्यंत काम करुन घेतले जाईल तसेच ब्रीज वरील रस्त्याचे खडीकरण डांबरीकरण येत्या आठ दिवसांत ठेकेदाराकडून करून घेण्यात येईल अशी हमी कांदळकर यांना दिली आहे.या मुळे येथील सर्व समस्या मार्गी लावण्यात कांदळकर यांचे प्रयत्न यशस्वी झाल्याने येथील जनतेत समाधान व्यक्त होत आहे. 

या वेळी संबंधित अधिकारी व पंकज वर्दम, बाळा नाईक, रविंद्र कुशे, प्रितेश पाटकर जितेंद्र परब हे उपस्थित होते अशी माहिती मिळत आहे.

पोईप | संजय माने