व्हाॅईस ऑफ मीडिया' संघटनेची दोडामार्ग पोलीस स्टेशनला 'पत्रकार बदनामी' बाबत तक्रार. 

दोडामार्ग | ब्यूरो न्यूज : 'व्हाॅईस ऑफ मिडिया' ह्या पत्रकारांच्या विविध प्रश्नांसाठी कार्यरत असलेल्या संघटनांच , दोडामार्ग पोलिस स्थानकात 'पत्रकार बदनामी' संबंधित तक्रार देण्यात आली आहे तसेच हे निवेदन 'व्हाॅईस ऑफ मीडिया' व इतर डिजिटल मिडियाच्या पत्रकार बांधवांनी दिल्याची माहिती मिळत आहे.

१० नोव्हेंबर रोजी एका 'मित्र मंडळाच्या" व्हॉट्सअप समूहात एकाने पत्रकारांविरोधात अपमानास्पद, खोटी आणि बदनामीकारक पोस्ट प्रसारित केली होती असे समजते आहे. या पोस्टमुळे समाजामध्ये पत्रकारांविषयी गैरसमज निर्माण होऊन त्यांच्या व्यावसायिक प्रतिष्ठेला धक्का बसला असल्याचे तक्रारीत नमूद करण्यात आले असून ही कृती भारतीय दंड संहितेची काही कलमे आणि माहिती तंत्रज्ञान अधिनियम, २००० अंतर्गत गुन्हा ठरतो असे तक्रारीत नमूद केल्याची माहिती मिळत आहे, त्यामुळे संबंधित इसमावर कठोर कायदेशीर कारवाई करण्यात यावी, अशी मागणी या वेळी करण्यात आली असल्याचे समजते.

यावेळी व्हाॅईस ऑफ मीडिया सिंधुदुर्ग जिल्हा कार्याध्यक्ष भूषण सावंत, कार्यकारिणी सदस्य प्रथमेश गवस, तालुकाध्यक्ष बुधाजी (आपा) राणे, सचिव प्रतिक राणे, पत्रकार प्रमोद गवस, गोविंद शिरसाट उपस्थित होते.

यावेळी उपनिरीक्षक नरेंद्र पाटील यांनी तक्रार स्विकारून, संबंधितावर आवश्यक ती कारवाई करण्यात येईल, असे आश्वासन दिले असल्याची माहिती मिळत आहे.