विजयदुर्ग बंदर विकासासाठी महाराष्ट्र चेंबर ऑफ काॅमर्स इंडस्ट्री अँड एग्रीकल्चरच्या अध्यक्षांना निवेदन.

गव्हर्निंग कौन्सिल मेंबर भालचंद्र राऊत, अशोक सारंग, नंदन वेंगुर्लेकर आणि चेंबरचे पदाधिकारी व मान्यवर उपस्थित.

​मुंबई | ब्यूरो न्यूज : कोकणच्या अर्थकारणाला आणि विकासाला नवी गती देण्यासाठी सिंधुदुर्ग जिल्ह्यातील विजयदुर्ग बंदराच्या विकासासंदर्भात महाराष्ट्र चेंबर ऑफ कॉमर्स इंडस्ट्री अँड एग्रीकल्चर (MACCIA) चे माजी उपाध्यक्ष चंद्रशेखर रवळनाथ पुनाळेकर यांनी चेंबरचे अध्यक्ष सन्माननीय रवींद्र माणगावे यांना नुकतेच एक निवेदन सादर केले आहे अशी माहिती मिळत आहे.

​या निवेदनात, विजयदुर्ग बंदराचा विकास झाल्यास संपूर्ण सिंधुदुर्ग जिल्ह्याला पर्यटन, मासेमारी, आंबा बागायती व्यवसाय आणि आयात - निर्यात व्यवसायाला मोठी चालना मिळू शकते असे नमूद करण्यात आले आहे. तसेच, विजयदुर्गच्या विकासासोबतच मालवण, आचरा, सर्जेकोट, खवणे, निवती यांसारख्या इतर बंदरांच्या विकासालाही गती मिळेल असे निवेदनात नमूद केले आहे असे समजते आहे.

​यावेळी ट्रस्ट बोर्डचे चेअरमन आशिष पेडणेकर, ​सिद्दीविनायक ट्रस्टचे माजी अध्यक्ष सुभाष मयेकर, ​गव्हर्निंग कौन्सिल मेंबर भालचंद्र राऊत, शिवाजी राव घोगळे, अशोक सारंग, ​नंदन वेंगुर्लेकर आणि लायन्स क्लब ऑफ कुडाळचे अध्यक्ष आनंद कर्पे आणि अनेक चेंबरचे ज्येष्ठ पदाधिकारी व महत्त्वाचे सदस्य उपस्थित होते.