सिंधू यंग चॅम्पियन्स रनची २८ डिसेंबर रोजी दुसरी आवृत्ती. 

सावंतवाडी | ब्यूरो न्यूज : सिंधू रनर्स टीम आणि सावंतवाडी पॅलेस बुटीक आर्ट हॉटेल यांच्या संयुक्त विद्यमाने सिंधू यंग चॅम्पियन्स रनची दुसरी आवृत्ती २८ डिसेंबर २०२५ रोजी सावंतवाडी राजवाड्यात आयोजित करण्यात आली आहे.

या स्पर्धेत वयोगटानुसार चार धावण्याच्या श्रेण्या ठेवण्यात आल्या आहेत. १० किमी रन (वय १६ ते १९ वर्ष), ५ किमी रन (वय १३ ते १६ वर्ष), ३ किमी रन (वय १० ते १३ वर्ष), १.५ किमी रन (वय ७ ते १० वर्ष) या वयोमर्यादेत धावपटूंना सहभागी होता येईल. 

नोंदणी संबंधित अधिक माहिती इन्स्टाग्राम व फेसबुकवरील Sindhu- Runners_07 या पेजवर उपलब्ध आहे. या स्पर्धेचे नोंदणी शुल्क १० किमी ₹१०००, ५ किमी ₹८००, ३ किमी ₹६००, १.५ किमी ₹४०० असे ठेवण्यात आले आहे. 

सर्व नोंदणीकृत सहभागींना टी - शर्ट, पदक आणि पूर्णता प्रमाणपत्र दिले जाईल. स्पर्धेदरम्यान पाणी आणि वैद्यकीय सुविधा उपलब्ध असतील, तसेच स्पर्धेनंतर अल्पोपहार दिला जाईल असे समजते आहे.

ही स्पर्धा सावंतवाडी राजवाडा येथे होणार असून स्पर्धेची वेळ १० किमी रनसाठी रिपोर्टिंग सकाळी ५:३० व सुरुवात ६:००, ५ किमी रनसाठी रिपोर्टिंग सकाळी ६:०० व सुरुवात ६:३०, ३ किमी रनसाठी रिपोर्टिंग सकाळी ६:३० व सुरुवात ७:००, १.५ किमी रनसाठी रिपोर्टिंग सकाळी ७:०० व सुरुवात ७:३० वाजता होईल. 

नोंदणी प्रक्रिया सहभागींनी runindia ऑनलाइन फॉर्मद्वारे नोंदणी करावी. फॉर्मसाठी QR कोड कार्यक्रमाच्या जाहिरात पोस्टर्सवर उपलब्ध आहे. नोंदणीची अंतिम तारीख ५ डिसेंबर २०२५ आहे. १५ नोव्हेंबर पूर्वी नोंदणी करणाऱ्यांना २०% सवलत मिळेल, त्यामुळे पालकांनी लवकरात लवकर आपल्या मुलांची नोंदणी करावी.

२०२४ मध्ये सिंधू रनर्स टीममधील प्रसाद कोरगावकर आणि ओंकार पराडकर या दोन धावपटूंनी साऊथ आफ्रिका येथे झालेल्या कॉम्रेडस मॅरेथॉनमध्ये भारताचे 'सुफल तथा पदकप्राप्त' प्रतिनिधित्व केले होते.

या स्पर्धेविषयी अधिक माहितीसाठी ओंकार पराडकर (सावंतवाडी) 9420307187, डॉ. स्नेहल गोवेकर (सावंतवाडी) 9422373922, डॉ. सोमनाथ परब (मालवण) 9764235276, डॉ. प्रशांत मडव (कणकवली) 9422963712, डॉ. प्रदीप वेंगुर्लेकर (वेंगुर्ला) 9420742440, भूषण बांदलकर (कुडाळ) 9527387727, सुजाता रासकर (ओरोस) 9686601156 यांच्याशी संपर्क साधता येईल अशी माहिती मिळत आहे.