सौ. सानिका तुळसकर यांना 'लक्षवेधी महिला सन्मान राष्ट्रीय पुरस्कार २०२५' प्रदान.

वयोवृद्धांच्या अथक आरोग्य सेवेत असलेल्या सौ. सानिका तुळसकर यांचे विविध स्तरातून अभिनंदन.

सिंधुदुर्ग | ब्यूरो न्यूज : सिंधुदुर्ग जिल्ह्यातील वेंगुर्ला येथील सौ. सानिका तुळसकर यांना 'लक्षवेधी महिला सन्मान राष्ट्रीय पुरस्कार २०२५' प्राप्त झाला आहे. आम्ही भारतीय महिला मंच आयोजित फक्त महिलांनी, महिलांसाठी आयोजित केलेले पहिले राज्यस्तरीय स्त्रीवादी साहित्य संमेलन राजर्षी शाहू स्मारक भवन, कोल्हापूर येथे रविवार, २६ ऑक्टोबर रोजी आयोजित करण्यात आले होते. या संमेलनात सौ. सानिका तुळसकर यांना त्यांच्या आरोग्यविषयक जनसेवेच्या कार्याबाबत सन्मानित करण्यात आले. मानाचा फेटा, सन्मानचिन्ह व पुस्तके असे पुरस्काराचे स्वरूप आहे.

वयोवृद्धांच्या अथक आरोग्य सेवेत असलेल्या सौ. सानिका तुळसकर यांचे मालवण, वेंगुर्ले आणि सिंधुदुर्ग जिल्हा तसेच राज्यातील विविध स्तरातून अभिनंदन होत आहे.