मालवण नगरपरिषद नगरसेवक आरक्षण जाहीर. 

मालवण | ब्यूरो न्यूज : मालवण नगरपरिषद दहा प्रभागातील २० जागांची आरक्षण सोडत ८ ऑक्टोबर रोजी काढण्यात आली..प्राप्त माहितीनुसार, प्रभाग चार मध्ये अनुसूचित जाती आरक्षण निश्चित करण्यात आले. याठिकाणी एक जागा अनुसूचित जाती सर्वसाधारण साठी आरक्षित करण्यात आली. तर दुसरी जागा महिला सर्वसाधारण (खुली) आरक्षित करण्यात आली आहे. मालवण नगराध्यक्ष आरक्षण नागरिकांचा मागास प्रवर्ग महिला (ओबीसी) हे यापूर्वीच निश्चित झाले आहे.

मालवण नगरपरिषद सार्वत्रिक निवडणूक २०२५ आरक्षण सोडत प्रांताधिकारी ऐश्वर्या काळूशे, प्रभारी मुख्याधिकारी संकेत गायकवाड यांच्या उपस्थितीत टोपीवाला हायस्कूलच्या चार विद्यार्थ्यांच्या हस्ते आरक्षणं काढण्यात आली. यावेळी नगरपरिषद अधिकारी, कर्मचारी, नागरिक उपस्थित होते.

प्रभागनिहाय आरक्षण : प्रभाग १ अ : सर्वसाधारण (खुले), ब : नागरिकांचा मागास प्रवर्ग महिला, प्रभाग २ अ : सर्वसाधारण (खुले), ब : सर्वसाधारण (खुले) महिला, प्रभाग ३ अ : सर्वसाधारण (खुले), ब : सर्वसाधारण (खुले) महिला, प्रभाग ४ अ : अनुसूचित जाती, ब : सर्वसाधारण (खुले) महिला, प्रभाग ५ अ : नागरिकांचा मागास प्रवर्ग, ब : सर्वसाधारण (खुले) महिला, प्रभाग ६ अ : सर्वसाधारण (खुले), ब : सर्वसाधारण (खुले) महिला, प्रभाग ७ अ : सर्वसाधारण (खुले), ब: सर्वसाधारण (खुले) महिला, प्रभाग ८ अ : नागरिकांचा मागास प्रवर्ग, ब : सर्वसाधारण (खुले) महिला, प्रभाग ९ अ : सर्वसाधारण (खुले), ब : नागरिकांचा मागास प्रवर्ग महिला, प्रभाग १० अ : सर्वसाधारण (खुले), ब : नागरिकांचा मागास प्रवर्ग महिला. 

यावेळी माजी नगराध्यक्ष महेश कांदळगावकर, माजी नगराध्यक्ष सुदेश आचरेकर, भाजपा शहराध्यक्ष बाबा मोंडकर, भाजपा महिला शहराध्यक्ष अन्वेशा आचरेकर, माजी नगरसेवक गणेश कुशे, पंकज सादये, महेंद्र म्हाडगुत, माजी नगरसेविका सौ. पूजा करलकर, भाजपा ओबीसी मोर्चा तालुकाध्यक्ष पूजा वेरलकर, भाजपा शहर सरचिटणीस महिमा मयेकर, शिवसेना जिल्हा संघटक अंजना सामंत, शिवसेना उद्धव बाळासाहेब ठाकरे पक्षाचे शहरप्रमुख बाबी जोगी, तपस्वी मयेकर, नरेश हुले यांच्यासह अन्य नागरिक उपस्थित होते अशी माहिती मिळत आहे.