सॅटर्डे क्लब कोल्हापूर रिजनतर्फे महिलांना औद्योगिक प्रशिक्षण. 

उद्योगिनी संस्थेच्या वतीने चेअरपर्सन सौ. पल्लवी गुंजाळ यांनी व्यक्त केले समाधान.

कोल्हापूर | ब्यूरो न्यूज : सॅटर्डे क्लब कोल्हापूर रिजन अंतर्गत 'उद्योगिनी' या महिलांसाठी असलेल्या उपक्रमाची नियमित बैठक मंगळवार, १६ सप्टेंबर रोजी संपन्न झाली. यावेळी श्री. चक्रधर कदम यांनी शॅम्पू आणि बहुगुणी क्लीनर लिक्विड तयार करण्याचे प्रात्यक्षिकासह प्रशिक्षण दिले. 

यावेळी श्री. कदम यांनी उत्पादन ते विक्री तसेच व्यवसायात येणारे अडथळे याचे मार्गदर्शन केले. येणाऱ्या काळात ते या महिलांना दिवाळीसाठी उटणे, साबण, सुगंधित अगरबत्तीचे प्रात्यक्षिकासहित प्रशिक्षण देणार आहेत. या प्रशिक्षणामुळे एखाद्या महिलेला स्वतः चा व्यवसाय उभा करण्यास मदत होईल. या प्रशिक्षणासाठी सौरभ सहस्रबुद्धे यांचे विशेष सहकार्य लाभले. 

यावेळी उद्योगिनीच्या वतीने चेअरपर्सन सौ. पल्लवी गुंजाळ तसेच सचिव सौ. सोनाली जामसंडेकर, समन्वयक सौ. सोनाली गायकवाड यांनी सॅटर्डे क्लब यांचे आभार मानले.

या औद्योगिक प्रशिक्षण तथा मार्गदर्शनाबद्दल समाधान व्यक्त होत आहे अशी माहितीपर प्रतिक्रिया, उद्योगिनी चेअरपर्सन सौ. पल्लवी गुंजाळ यांनी डिजीटल सामाजिक मंचावरून व्यक्त केली आहे.