मालवण शहरातील श्री हनुमान मंदिरात गणेशोत्सवानिमित्त रक्तदान शिबिर संपन्न.

मालवण | ब्यूरो न्यूज : मालवण शहरातील बाजारपेठेतील श्री हनुमान मंदिरात गणेशोत्सवानिमित्त श्री हनुमान मंदिर सार्वजनिक गणेशोत्सव मंडळ आणि धक्का मित्रमंडळ मालवण यांच्या संयुक्त विद्यमाने रक्तदान शिबीर आयोजित करण्यात आले होते. या रक्तदान शिबिरास रक्तदात्यांचा उत्स्फूर्त प्रतिसाद लाभला. यावेळी शिबिरात ५८ रक्तदात्यांनी रक्तदान केले अशी माहिती मिळत आहे.

या शिबिरासाठी ओरोस येथील जिल्हा रक्तपेढीच्या डॉक्टर व कर्मचाऱ्यांचे सहकार्य लाभले. रक्तदात्यांना प्रमाणपत्र प्रदान करून दोन्ही मंडळातर्फे त्यांचे आभार मानण्यात आले. यावेळी श्री हनुमान मंदिर सार्वजनिक गणेशोत्सव मंडळ व धक्का मित्रमंडळ यांचे सदस्य, व्यापारी आदी उपस्थित होते.