भरड येथे श्री दत्त मंदिर सार्वजनिक गणेशोत्सव मंडळातर्फे सांस्कृतिक व धार्मिक कार्यक्रम. 

मालवण | ब्यूरो न्यूज : मालवण भरड येथील श्री दत्त मंदिर सार्वजनिक गणेशोत्सव मंडळातर्फे गणेशोत्सवानिमित्त विविध सांस्कृतिक व धार्मिक कार्यक्रमांचे आयोजन करण्यात आले आहे. १९ सप्टेंबर रोजी सायंकाळी ४:३० वाजता मालवणचे व कोकणचे ज्येष्ठ कवी श्री. रुजारिओ पिंटो व कोकणातील मान्यवर कवींची काव्यमैफिल संपन्न होत आहे. 

२० सप्टेंबर रोजी सायंकाळी ६:३० वाजता सवाल - जवाबाची संगीत भजनबारी आयोजित करण्यात आली आहे. यामध्ये श्रीराम प्रासादिक भजन मंडळ, शिरसे, राजापूर (बुवा संतोष शिरसेकर, पखवाज- अजित शिरसेकर, तबला- सौरभ भोगले) विरुद्ध श्री भूतनाथ प्रासादिक भजन मंडळ, वायरी- मालवण (बुवा-भालचंद्र केळुसकर, पखवाज - विशाल केळुसकर, तबला – पंकज पाटील) यांच्यात ही भजनबारी रंगणार आहे. २७ सप्टेंबर रोजी सायंकाळी ९:३० वाजता श्री बोर्डेकर पारंपरिक दशावतार नाट्यमंडळ दोडामार्ग यांचा नाट्यप्रयोग, २ ऑक्टोबर रोजी रात्री ९ वाजता ह.भ.प. नेहा उपाध्ये (म्हापसा, गोवा) यांचे 'गजेंद्रमोक्ष' या विषयावर कीर्तन, ३ ऑक्टोबर रोजी ह.भ.प. संदीप मांडके (पुणे) यांचे 'रामभक्त केवट' वर कीर्तन, ४ ऑक्टोबर रोजी ह.भ.प. अक्षय घांग्रेकर (भिवंडी) हे 'दूधभात शिक्षा' या विषयांवर कीर्तन सादर करणार आहेत. ५ ऑक्टोबर रोजी ह.भ.प. केशव शिवडेकर (कपिलेश्वरी, गोवा) 'जामिनाचा धोंडा' वर कीर्तन, ६ ऑक्टोबर रोजी ह.भ.प. हरिहर नातू (मालवण) हे 'श्रीकृष्ण शिष्टाई' वर कीर्तन सादर करणार आहेत. 

९ ऑक्टोबर रोजी श्री सत्यनारायण महापूजा, सायंकाळी ५ वाजता भजन, रात्री अमृतनाथ पारंपरिक दशावतार नाट्यमंडळ, म्हापण यांचा दशावतार होणार आहे. ऑक्टोबर रोजी ढोलताशांच्या गजरात आणि पारंपरिक चलचित्र देखाव्यासहित विसर्जन मिरवणूक निघून श्री गणेशमूर्ती विसर्जन होणार आहे.