पोलीस पाटील वासुदेव गावकर यांचा जिल्हाधिकारी कार्यालयाकडून गौरव
मालवण | प्रतिनिधी : महसूल दिनानिमित्त जिल्हाधिकारी कार्यालयाकडून २०२०- २१ या वर्षात उत्कृष्ट काम करणाऱ्या शासकीय अधिकारी व कर्मचाऱ्यांचा गौरव करण्यात आला. यामध्ये महसूल विभागाच्या धोरण व उद्दिष्टांप्रमाणे उत्कृष्ट काम केल्या बद्दल मालवण धुरीवाडा येथील पोलीस पाटील श्री. वासुदेव शिवराम गांवकर यांचा जिल्हाधिकारी के. मंजूलक्ष्मी यांच्या हस्ते गौरव करण्यात आला. पोलीस पाटील वासुदेव गांवकर यांना स्मृतीचिन्ह, प्रशस्तीपत्रक, पुष्पगुच्छ देऊन गौरविण्यात आले. वासुदेव गांवकर यांनी पोलीस पाटील म्हणून मालवण शहरात गेली अनेक वर्षे उत्तम कामगिरी बजावली असून कोरोना महामारी काळातही त्यांनी उल्लेखनीय कामगिरी करत नागरिकांना वेळोवेळी सहकार्य केले. या कार्याची दखल घेत त्यांचा जिल्हा प्रशासनाकडून सन्मान करण्यात आला. श्री वासुदेव गांवकर यांच्या गौरवाबद्दल मालवण शहरातून त्यांचे अभिनंदन होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
