आचरा येथे सायबर गुन्ह्यांबाबत पथनाट्यातून जागृती.
आचरा | प्रतिनिधी : वाढत्या सायबर गुन्ह्यांबाबत जनजागृती व्हावी, याबाबत कोणती सावधगिरी बाळगावी , डायल११२ बाबत माहिती देत त्याचा उद्देश स्पष्ट करत आचरा पोलीस स्टेशनच्या पुढाकाराने न्यू इंग्लिश स्कूलच्या विद्यार्थ्यांनी गुरुवारी आचरा तिठा येथे पथनाट्यातून जनजागृती केली. सिंधुदुर्ग जिल्हा पोलीस अधीक्षक सौरभ कुमार अग्रवाल यांच्या मार्गदर्शनाखाली सिंधुदुर्ग जिल्ह्यात सायबर, अंमली पदार्थ जनजागृती अभियान सुरू करण्यात आले आहे.
गुरुवारी आचरा येथे पोलीस निरीक्षक प्रदीप पोवार यांच्या मार्गदर्शनाखाली आचरा पोलीस स्टेशन हद्दीतील गावांमध्ये शाळा, कॉलेज, सामाजिक संस्था, व्यापारी संघटना यांच्या माध्यमातून सायबर गुन्ह्यांबाबत जनजागृती केली जात आहे. संकटकाळी डायल ११२ कार्यप्रणालीचा वापर करुन पोलीस मदत मागून घेण्याचे आवाहन केले. यावेळी आचरा पोलीस स्टेशनचे पोलीस उपनिरीक्षक विशाल चोरगे, पोलीस कर्मचारी सौ मिनाक्षी देसाई, मिलिंद परब, मनोज पुजारे, सौ आचरेकर, मुख्याध्यापक गोपाळ परब, उपमुख्याध्यापक घुटूकडे, शिक्षिका भावना मुणगेकर यांसह विद्यार्थी बहुसंख्येने सहभागी झाले होते.विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
