मालवण | प्रतिनिधी : सिंधुदुर्ग साईकृपा अपंगशक्ती बहुउद्देशीय शिक्षण संस्थेच्या वतीने आज ३ डिसेंबर रोजी मालवण मधील मातृत्व आधार फाऊंडेशन संस्थेला सामाजिक कार्यकर्ता पुरस्काराने सन्मानित करण्यात आले. गेल्या सहा वर्षांत इतर क्षेत्राबरोबरच अपंग बांधवांना सरकारी विविध योजनेचा लाभ, त्यांची सरकार दरबारी नोंदणी करणे शिवाय शासनाच्या विविध उपक्रमात अपंग बांधवांना विशेष सहकार्य केल्याबद्दल हा पुरस्कार देण्यात आला. मातृत्व आधार फाऊंडेशनच्या वतीने संस्थेचे संस्थापक संतोष लुडबे व पदाधिकारी दादा वेंगुर्लेकर यांनी हा पुरस्कार स्विकारला.

३ डिसेंबर अपंग दिनाचे औचित्य साधून डिसेंबर रोजी कसाल येथे सिंधुदुर्ग जिल्हाधिकारी श्री अनिल पाटील यांच्या प्रमुख उपस्थितीत, सिंधुदुर्ग साईकृपा अपंग शक्ती बहुउद्देशीय शिक्षण संस्था कसाल आणि जिल्हा परिषद सिंधुदुर्ग, जिल्हा पुनर्वसन विभाग यांच्या वतीने सिध्दीविनायक हॉल कसाल येथे आयोजीत कार्यक्रमात ह्या पुस्तकार वितरीत करण्यात आला. या कार्यक्रमात जिल्हाधिकारी सन्माननीय श्री अनिल पाटील, जिल्हा समाजकल्याण अधिकारी श्री. ठाकूर, कुडाळ बी डी ओ श्री. श्याम चव्हाण, संस्थेचे अध्यक्ष अनिल शिंगाडे साहेब आणि इतर शासकीय अधिकारी, संस्था चालक उपस्थित होते.

या सन्मानाबद्दल मातृत्व आधार फाऊंडेशनचे संस्थापक संतोष लुडबे व दादा वेंगुर्लेकर यांनी हा पुरस्कार हा मातृत्वाच्या सर्व हितचिंतक , सदस्य, पदाधिकारी यांना आम्ही समर्पित केला. मातृत्व आधार फाऊंडेशनच्या माध्यमातून निःस्वार्थी समाजसेवा सुरुच राहिल असे त्यांनी प्रतिपादन केले. या कार्यक्रमाला उपस्थित सर्व मान्यवरांचे व आयोजक उपस्थितांचे त्यांनी आभार मानले.