जिल्हाध्यक्ष श्री सुजित जाधव व जिल्हासरचिटणीस श्री.चंद्रसेन पाताडे यांची केली विशेष प्रशंसा……!

पोईप | ओंकार चव्हाण : सिंधुदुर्ग जिल्हा चर्मकार समाज उन्नती मंडळ सिंधुदुर्ग संचलित संत रविदास भवन भूमिपूजन सोहळ्याच्या पार्श्वभूमीवर आयोजित सावंतवाडी तालुका शाखेच्या सभेत जिल्हा मंडळाचे प्रमुख मार्गदर्शक ऍड.अनिल निरवडेकर यांनी उपस्थित समाजबांधवांना आवाहन करताना सांगितले की,आपल्या समाज भवनाचे स्वप्न आता साकार होत आहे.यासाठी विद्यमान जिल्हाध्यक्ष सुजित जाधव व जिल्हा सरचिटणीस चंद्रसेन पाताडे व समस्त कार्यकारिणी कौतुकास पात्र आहे.31 ऑक्टोबर रोजी या कार्यक्रमास बहुसंख्येने उपस्थित राहूया आणि या भवनासाठी आपले योगदान देणे गरजेचे आहे.माजी तालुकाध्यक्ष ओमप्रकाश तिवरेकर यांनीही समाजभवनाच्या स्वप्नपूर्तीबद्दल विद्यमान कार्यकारिणी व जागा घेण्यासाठी प्रयत्न केलेल्या ऍड.निरवडेकर यांचे अभिनंदन केले.माजी जिल्हा सरचिटणीस पी.बी.चव्हाण यांनी संत रविदास एका समाजाचे नसून सर्व समाजाचे आहेत आणि याच भावनेने सर्व समाज यासाठी सहकार्य करतील अशी आशा व्यक्त केली.तालुकाध्यक्ष दिलीप इन्सुलकर यांनी सर्व समाजबांधवांनी आपला घरचा कार्यक्रम समजून आपली उपस्थिती लावावी आणि भवनाचे कार्यास हातभार लावावा असे आवाहन केले.
सदर सभेस जिल्हा उपाध्यक्ष लवू चव्हाण,तालुका सचिव जगदीश चव्हाण,माजी तालुका सचिव भारत बांदेकर,नरेश कारीवडेकर, बांबूळकर,चव्हाण आदी उपस्थित होते.
सभेचे सूत्रसंचालन व आभारप्रदर्शन सचिव जगदीश चव्हाण यांनी केले.