भाजपा नेते रविंद्र चव्हाण यांचा आंगणेवाडीतील श्री भराडी देवीचा आशिर्वाद घेऊन प्रचाराचा शुभारंभ.

आंगणे ग्रामस्थांच्या वतीने नेते रवींद्र चव्हाण यांचा पुष्पगुच्छ देऊन सदिच्छा सत्कार.

मालवण | प्रतिनिधी :सिंधुदुर्ग जिल्ह्यातील मसुरे आंगणेवाडी येथील श्री देवी आई भराडीचे दर्शन व आशिर्वाद घेऊन भाजपा नेते तथा सिंधुदुर्ग जिल्ह्याचे पालकमंत्री रवींद्र चव्हाण यांनी विधानसभा २०२४ च्या निवडणूक प्रचाराचा शुभारंभ केला. आज २१ ऑक्टोबरला सकाळी, भाजपा नेते रवींद्र चव्हाण यांनी भराडी देवी देवस्थानला भेट दिली व पूजा अर्चना करुन देवीकडे साकडे घातले. भाजपाच्या पहिल्या ९९ उमेदवारांच्या यादीत यादीत डोंबिवली विधानसभा मतदार संघातून भाजपा नेते रविंद्र चव्हाण हे चौथ्यांदा निवडणूक लढवत आहेत. यावेळी भास्कर आंगणे, बाळा आंगणे यांनी आंगणे कुटुंबीयांच्ये वतीने तथा ग्रामस्थांच्या वतीने ना. रवींद्र चव्हाण यांचा पुष्पगुच्छ देऊन स्वागत सत्कार केला. यावेळी आंगणेवाडी मंडळ अध्यक्ष सतिश आंगणे, सचिव अर्जुन आंगणे, सीताराम आंगणे, जयप्रकाश आंगणे, बालकृष्ण आंगणे, दत्तात्रय आंगणे, दीपक आंगणे, सुधाकर आंगणे, मंगेश आंगणे, जयंत आंगणे, आत्माराम आंगणे, नंदू आंगणे व आंगणे ग्रामस्थ उपस्थित होते.

यावेळी माध्यमांशी संवाद साधताना भाजपा नेते रविंद्र चव्हाण म्हणाले की भाजपाच्या केंद्र व राज्याच्या नेतृत्वाखाली आपण महायुतीच्या माध्यमातून ही निवडणूक लढत आहोत. उमेदवार कोण यापेक्षा महायुती मधिल प्रत्येक उमेदवार जिंकावा म्हणून श्री भराडी देवीकडे आपण साकडे घातले आहे. सिंधुदुर्ग जिल्ह्याचे श्रद्धास्थान असलेली श्री देवी भराडी आपल्याला निश्चितच यश देईल. पंतप्रधान नरेंद्र मोदी व मुख्यमंत्री एकनाथ शिंदे यांच्या नेतृत्वाखाली सिंधुदुर्ग जिल्ह्यात महायुती अत्यंत प्रबळ आहे. भाजपा, महायुतीतील पदाधिकारी आणि कार्यकर्ते हे निवडणुकीसाठी सज्ज आहेत.

यावेळी भाजपा सिंधुदुर्ग जिल्हा अध्यक्ष प्रभाकर सावंत, जिल्हा उपाध्यक्ष अशोक सावंत, भाजपा मालवण तालुकाध्यक्ष धोंडी चिंदरकर, जिल्हा बॅन्क संचालक बाबा परब, माजी उपनगराध्यक्ष राजन वराडकर, माजी नगरसेवक आप्पा लुडबे, माजी सभापती राजेंद्र प्रभुदेसाई, छोटू ठाकुर, महेश मांजरेकर, संतोष कोदे, महेश बागवे, बांबू आंगणे, भाजयुमोचे पदाधिकारी ललित चव्हाण व भाजपा पदाधिकारी आणि कार्यकर्ते उपस्थित होते.