मालवण एसटी स्टॅन्ड समोरील दुर्घटनेतील महिलेचा मृत्यू.
मालवणात शोकाचे वातावरण.
मालवण | ब्युरो न्यूज : मालवण एसटी स्टॅन्ड समोरील एका वैद्यकीय परीक्षण आस्थापनेत काम करणाऱ्या, प्रीती केळुसकर या महिलेच्या अंगावर पेट्रोल ओतत तिला जाळण्याचा प्रयत्न झाल्याची धक्कादायक घटना आज २५ सप्टेंबरला बुधवारी दुपारी पावणेतीन वाजण्याच्या दरम्यान घडली होती. या महिलेला सिंधुदुर्ग नगरी ( ओरोस) येथील जिल्हा रुग्णालयात पुढील उपचारासाठी दाखल करण्यात आले होते. उपचार सुरु असताना तिची प्राणज्योत मालवली. या घटनेमुळे मालवण शहर व परिसरात शोक व्यक्त होत आहे. या घटनेतील संशयीताचा पोलीस शोध घेत आहेत.
आज दुपारी पेटलेल्या अवस्थेत ही महिला एसटी स्टॅन्ड समोरील रस्त्यावर येताच परिसरातील जागरुक नागरिकांनी धावाधाव करून या महिलेच्या अंगावरील आग विझवून तिला उपचारासाठी मालवण ग्रामीण रुग्णालयात नेले होते. येथे तिच्यावर प्राथमिक उपचार करून तिला ओरोस जिल्हा रुग्णालयात हलवण्यात आले होते. उपचार सुरु असताना रात्री तिचे निधन झाले. दिवंगत प्रीती केळुसकर ह्या उत्तम परिचारीका म्हणून ओळखल्या जायच्या व यांच्या निधनाचे वृत्त समजताच विविध सामाजिक मंचांवरुन श्रद्धांजली वाहण्यात येत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
