मालवण | सुयोग पंडित : सिंधुदुर्ग जिल्ह्यातील मालवण शहरचे युवा नेतृत्व व भाजयुमोचे जिल्हा सरचिटणीस सौरभ ताम्हणकर यांनी मालवण समुद्र किनार्यावरील, श्री दांडेश्वर मंदिर ते मालवण बंदर जेट्टी वाहनतळ याठिकाणी धूप प्रतिबंधक बंधरा कम रोड होणे बाबतचे पत्र महाराष्ट्र राज्याचे सार्वजनिक बांधकाम मंत्री व सिंधुदुर्ग जिल्ह्याचे पालकमंत्री रवींद्र चव्हाण यांना दिले. भारताच्या नकाश्यावर मालवण शहर हे पर्यटन दृष्ट्या मुख्य केंद्र बिदू ठरत आहे व मालवणात अजून पर्यटन वाढी करीता मालवणचे विकास होणे गरचेचे आहे. ४ डिसेंबर २०२३ ला भारताचे पंतप्रधान मा. नरेंद्र मोदी यांच्या हस्ते मालवण राजकोट येथे शिवाजी महाराजांच्या पुतळ्याचे अनावरण करण्यात आले. त्यामुळे मालवण शहरात पर्यटकांचा ओघ वाढत आहे. मालवण बंदर जेट्टी ते मालवण दांडी येथील दांडेश्वर मंदिरा पर्यंत कोस्टल रोड होणे ही आजची गरज आहे असे या पत्रात नमूद केले आहे.

ह्या मार्गामुळे मालवण बंदर जेटीवर आलेले पर्यटक कोस्टल रोडच्या साह्यानें समुद्राच्या लाटांचे अनंत घेत दांडेश्वर मंदिरापर्यंत जाऊ शकतात. किनारपट्टी भागाला काही ठिकाणी कचऱ्याचे साम्राज्य पसरले आहे. ह्या मार्गामुळे किनारपट्टी भाग देखील स्वच्छ राहू शकतो तर किनार पट्टी भागाचे मुख्य व्यवसाय म्हणजे मच्छिमारी कोस्टल रोड मुळे मच्छिमारांना मोठ्या वाहनांमध्ये मासे भरणे देखील सोपे होईल. मालवण शहरातील दांडी परिसरात अतिदृष्टी वेळी किंवा समुद्राला उधाणाच्या वेळेस समुद्राचा पाणी वस्तीत येत असतो ह्या कोस्टल रोड मुळे हे देखील बऱ्या प्रमाणात कमी होईल. हा रोड अस्तित्वास आल्यास मालवण शहरात पर्यटनाच्या दृष्टीने अजून एक चालना भेटणार आहे. तरी हे धूप प्रतिबंधक बंधरा कम रोड लवकरात लवकर मंजूर करावे असे पत्रात म्हंटले आहे.
या वेळी भारतीय जनता युवा मोर्चा तथा भाजयुमोचे सिंधुदुर्ग उपाध्यक्ष राकेश सावंत व अन्य कार्यकर्ते उपस्थित होते.