मतदानाचा हक्क नाकारलेल्याने उच्च न्यायालयात याचिका दाखल केल्याने स्थगिती…..

ओरोस | ब्युरो न्यूज : सिंधुदुर्ग जिल्ह्यात बहुचर्चित असलेल्या सिंधुदुर्ग जिल्हा बँकेच्या निवडणुकीला उच्च न्यायालयाने स्थगिती दिली आहे परंतु येत्या दोन दिवसात निर्णय होऊन पुन्हा निवडणूक कार्यक्रम जाहीर होण्याचीही शक्यता आहे. याबाबत मिळालेल्या माहितीनुसार मतदार यादीतून नाव डावलल्यामुळे, एका याचिकाकर्त्याने उच्च न्यायालयात मतदानाचा हक्क मिळावा म्हणून याचिका केली आहे दाखल.त्यामुळे राज्यभरातील काही जिल्हा बँकांची निवडणूक प्रक्रिया थांबली होती. त्यात सिंधुदुर्ग जिल्हा बँकेचा देखील समावेशआज उच्च न्यायालयात यावर न्याय निवडा होण्याची दाट शक्यता होती. त्यामुळे जिल्हा बँकेचा निवडणूक कार्यक्रम आज जाहीर होईल, अशी शक्यता होती.त्यामुळे पुन्हा एकदा निवडणूक कार्यक्रमावर लक्ष लागून राहिले होते. मात्र काल उच्च न्यायालयात यावर न्यायनिवाडा झाला नाही. जोपर्यंत न्याय निवाडा होत नाही, तोपर्यंत निवडणूक कार्यक्रम जाहीर करु नये, असा आदेश उच्च न्यायालयाने राज्य सहकार प्राधिकरणला दिला. या आदेशामुळे निवडणूक कार्यक्रम जाहीर करण्यासाठी हाती घेतला होता पण, तो आता रद्द केलाय, अशी माहिती प्रांताधिकारी वंदना करमाळे यांनी दिली आहे. तरिही दोन दिवसात याचिकेवर निर्णय होऊन निवडणूक कार्यक्रम जाहीर होण्याची दाट शक्यता असल्याचे सूत्रांकडून सांगण्यात येत आहे.