त्रिंबक येथे मेरी मिट्टी मेरा देश अभियानाचा समारोप.
मसुरे | प्रतिनिधी : भारत देशाच्या अमृत महोत्सवी वर्षानिमित्त ग्रामपंचायत त्रिंबक मार्फत ‘मेरी मिट्टी मेरा देश’ अभियानाचा समारोप विविध उपक्रमांनी करण्यात आला. सकाळी शालांत परीक्षेत जनता विद्या मंदीर त्रिंबक प्रशालेतून प्रथम क्रमांकाने उत्तीर्ण झालेल्या कुमार मनोहर घाडिगांवकर याच्या हस्ते ध्वजारोहण झाले. त्रिंबक ग्रामपंचायत सरपंच श्री. किशोर त्रिंबककर यांच्या हस्ते शिला फलकाचे अनावरण करण्यात आले. उपस्थित ग्रामस्थांनी प्रज्वलीत पणत्या हातात घेऊन ‘पंचप्राण शपथ’ घेतली.
ग्रामपंचायत सभागृहात आयोजित कार्यक्रमात माजी स्वातंत्र सैनिक कुटुंबीय, सेवानिवृत्त सैनिक, पोलिस यांचा माननीय सरपंच श्री.किशोर त्रिंबककर, उपसरपंच श्री. आशिष बागवे व इतर मान्यवरांचे हस्ते शाल, श्रीफळ देऊन सन्मान करण्यात आला.
जनता विद्या मंदिर प्रशाला आवारात उपास्थित मान्यवरांचे हस्ते वृक्षारोपण करण्यात आले. या कार्यक्रमाला सरपंच श्री. किशोर त्रिंबककर, उपसरपंच श्री .आशिष बागवे, मालवण पंचायत समितीचे माजी उपसभापती श्री. अशोक बागवे, ग्रामसेविका सौ माधुरी कामतेकर यांच्यासह अनेक मान्यवर व ग्रामस्थ उपस्थित होते. कार्यक्रमाचे सूत्रसंचलन केद्रप्रमुख श्री. प्रसाद चिंदरकर यांनी केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
मसुरे गावचे सुपुत्र नंदकिशोर परब यांची कल्याण जिल्हा भारतीय जनता पक्षाच्या अध्यक्षपदी निवड.
