श्री सोमेश्वर कलामंच निर्मित गराजलो रे गराजलो नाट्यचळवळीच्या नवरात्रोत्सवाचे औचित्य.

मुंबई | मृणाली शिंदे : श्री सोमेश्वर कलामंच निर्मित,गराजलो रे गराजलो या नाटकाद्वारे कोकणसासियांसाठी जनजागृतीचे विविध उपक्रम होत असतात. आणि आता,आपल्या माणसांनी, आपल्या माणसांसाठी सुरू केलेली ही चळवळ घराघरात पोहोचविण्यासाठी निर्माते अथक प्रयत्न करत आहेत.
या चळवळीचाच एक भाग म्हणजेच लाईव्ह मुलाखत चर्चा सत्र हा उपक्रम.
आणि या उपक्रमाअंतर्गत गुरुवार दिनांक ०७ ऑक्टोबर २०२१  रोजी रात्री ०८.००  वाजता नवरात्री उत्सव निमित्त वैशाली पंडित यांची विशेष मुलाखत घेतली जाणार आहे. या मुलाखतींच्या मालिकेचा हा १२६ वा भाग असेल.
आपली सिंधुनगरी चॅनेलच्या सहसंपादक, शिक्षिका, साहित्यिक आणि आहार व आरोग्य तज्ञ मान. वैशाली पंडित यांची आजची मुलाखत मुलाखतकार कु. रिद्धी पाटील घेणार आहेत.
पुढील नऊ दिवस विविध क्षेत्रातील रणरागिणी त्यांचे विचार,माहिती व अनुभव या ‘रणरागिणी’ मुलाखत मालिकेद्वारे जनमानसांना देणार आहेत.

‘गराजलो रे गराजलो चे अधिकृत फेसबुक पेज आणि आपली सिंधुनगरी चॅनेलच्या यूट्यूबवर ही मुलाखतींची मालिका संपूर्ण नवरात्रोत्सवात लाईव्ह दाखवली जाणार आहे.’
तरी जास्तीत जास्त  माणसांनी ही मुलाखतिंची संपूर्ण मालिका मराठी व कोकणी माणसांनी पहावी,बोध घ्यावा, जागृत व्हावेआणि या चळवळीमध्ये सामिल होऊन  सहकार्य करावे असे आवाहन श्री सोमेश्वर कलामंचचे अध्यक्ष श्री.सहदेव धर्णे आणि गराजलो रे गराजलो नाट्य चळवळीच्या टीममार्फत करण्यात आले आहे.