मुख्याधिकारी व प्रशासक श्री. संतोष जिरगे यांच्या मार्गदर्शनाखाली संपन्न होणारी ‘माझी माती , माझा देश’ मोहीम.

मालवण | सुयोग पंडित : सिंधुदुर्ग जिल्ह्यातील मालवण नगरपरिषद येथे स्वातंत्र्याचा अमृत महोत्सव कार्यक्रमाच्या समारोपीय उपक्रमात ‘माझी माती माझा देश’ या मोहिमेअंतर्गत ९ ऑगस्ट ते १५ ऑगस्ट या कालावधीत पंचप्रण प्रतिज्ञा, वसुधा वंदन, शिलाफलकम (स्मारक), वीरोंको वदन, हर घर तिरंगा अशा कार्यक्रमांचे आयोजन करण्यात आले.

मालवण नगरपरिषद तर्फे ‘माझी माती माझा देश’ या मोहिमेत सहभागी होऊन मुख्याधिकारी व प्रशासक श्री. संतोष जिरगे, सर्व प्रशासकीय अधिकारी व कर्मचारी यांनी ९ ऑगस्टला नगरपरिषद आवारातील उद्याना मध्ये मातीचा दिवा घेऊन प्रंचप्रण शपथ घेतली. या कार्यक्रमात शहरातील सर्व शाळा व महाविदयालये, शासकीय कार्यालये यांनी मोठ्या प्रमाणात उपस्थित राहून मातीचा दिवा घेऊन प्रंचप्रण शपथ घेतली. त्याचप्रमाणे वसुधा वंदन कार्यकमा अंतर्गत ११ ऑगस्टला, देशी प्रजातीची रोपे वन विभागाकडून प्राप्त करुन मालवण रॉक गार्डन येथे ७५ रोपट्यांची लागवड करुन ‘अमृतवाटीका’ तयार करण्यात आली.

शासनाच्या सूचनेनुसार, १४ ऑगस्टला शिलाफलक तयार करणेत आली. शिलाफलकाचे अनावरण व स्वातंत्र्य सैनिक व वीरांना वंदन बाबतचा कार्यक्रम सकाळी ११ वाजता मालवण नगरपरिषद आवारात आयोजित करण्यात आलेला होता. शिलाफलकाचे अनावरण करीता मालवण शहरातील स्वातंत्र्य सैनिक यांच्या कुटुंबातील सदस्य यांना निमंत्रीत करण्यात आले. त्यानुसार १) माजी स्वातंत्र्य सैनिक रामराव भाऊ पांगे यांची मुलगी श्रीमती संगिता रामराव पांगे, २) माजी स्वातंत्र्य सैनिक रामचंद्र कृष्णाजी पराडकर यांचा नातू श्री. अतुल कीर्तीकुमार पराडकर , ३) माजी स्वातंत्र्य सैनिक सहदेव सिताराम खराडे यांचा मुलगा श्री. महादेव सहदेव खराडे, ४). माजी स्वातंत्र्य सैनिक गणपत तुकाराम तपकीरकर यांचा मुलगा श्री आनंद गणपत तपकीरकर, ५). माजी स्वातंत्र्य सैनिक वामन विष्णू कवटकर यांचा मुलगा दशरथ वामन कवटकर,६) माजी स्वातंत्र्य सैनिक महादेव भिकाजी बांदेकर यांचा नातू श्री. अजित दत्तात्रय बांदेकर यांच्या हस्ते शिलाफलकाचे अनावरण करण्यात आले. त्यांनतर कार्यक्रमाच्या ठिकाणी राष्ट्रगीत गायन करण्यात आले. स्वातंत्र्य सैनिक व वीरांना वंदन कार्यक्रमा अंतर्गत माजी लोकप्रतिधींनाही निमंत्रीत करण्यात आले होते. सदर कार्यक्रमाला माजी लोकप्रतिधी दीपक पाटकर, मंदार केणी, पूजा सरकारे, श्रीमती निना मुंबरकर, श्रीमती जयमाला मयेकर, जॉन न-होना, विलास मुणगेकर, दर्शना कासवकर उपस्थित होते. तसेच काही सेवानिवृत्त कर्मचारीही उपस्थित होते. उपस्थित लोकप्रतिनिधींच्या हस्ते माजी स्वातंत्र्य सैनिक यांची कुटुंबातील सदस्यांचा शाल, श्रीफळ व सन्मानचिन्ह देऊन सत्कार करण्यात आला. मालवण नगरपरिषद प्रशासक तथा मुख्य अधिकारी श्री. संतोष जिरगे यांच्या मार्गदर्शनाखाली हा उपक्रम व कार्यक्रम संपन्न झाला.

मालवण नगरपरिषद इमारत.

फोटो सौजन्य : मालवण नगरपरिषद प्रशासन