आंगणेवाडीतील भराडी देवीचे मंदिर ७ ऑक्टोबरला नाही तर २५ ऑक्टोबर पासून भाविकांसाठी होणार खुले...!
ग्रामस्थ मंडळाचे अध्यक्ष श्री भास्कर आंगणे यांनी दिली माहिती…
पोईप | ओंकार चव्हाण : कोरोना प्रादुर्भावामुळे बंद असलेली मंदीरे ७ ऑक्टोबर पासून भाविकांसाठी खुली करण्याचा निर्णय शासनाने घेतला आहे. मात्र लाखो भाविकांचे श्रद्धास्थान असलेले आंगणेवाडी येथील भराडी देवीचं मंदिर ७ ऑक्टोबरला नव्हे तर २५ ऑक्टोबर पासून भाविकांसाठी खुलं होणार आहे. याबाबतची घोषणा ग्रामस्थ मंडळाचे अध्यक्ष भास्कर आंगणे यांनी केली आहे.
कोरोनाचे निर्बंध शिथिल करताना ७ ऑक्टोबर २०२१ पासून शासनाने मंदिरे आणि प्रार्थना स्थळे उघडण्याचा निर्णय घेतला आहे. परंतु प्रति वर्षाप्रमाणे आंगणेवाडी येथील श्री भराडी देवी मंदिर घटस्थापनेनिमित्त ७ ऑक्टोबर पासून २४ ऑक्टोबर पर्यंत बंद राहणार आहे. या कालावधीत पारंपारिक धार्मिक पूजा विधी होणार असल्याने नवस करणे, नवस फेडणे, ओटी भरणे आदी विधी बंद राहणार आहेत. २५ ऑक्टोबर पासून कोरोना प्रतिबंधक नियमांचे काटेकोर पालन करून भाविकांना श्री भराडी देवीचे दर्शन घेता येईल. भाविकांनी सहकार्य करण्याचे आवाहन आंगणे कुटुंबीय ,आंगणेवाडी यांच्यावतीने अध्यक्ष भास्कर आंगणे यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
