जिल्हा संपर्क प्रमुख अरुण दुधवडकर, जिल्हाप्रमुख संजय पडते, तालुका प्रमुख हरी खोबरेकर, महिला जिल्हा प्रमुख जान्हवी सावंत यांची विशेष उपस्थिती.

चौके | अमोल गोसावी : सिंधुदुर्ग जिल्ह्यातील मालवण तालुक्यातल्या धामापूर शिवसेना उद्धव बाळासाहेब ठाकरे पक्षाच्या शाखाप्रमुख पदी संतोष कदम, युवासेना शाखाप्रमुख प्रणय नाईक आणि शिवसेना महिला उपविभाग प्रमुख पदी जागृती भोळे यांची नेमणूक करण्यात आली. खासदार विनायक राऊत यांनी पुष्पगुच्छ देऊन त्यांचे अभिनंदन केले. शिवसेना सचिव, खा.विनायक राऊत, शिवसेना उपनेते, जिल्हा संपर्क प्रमुख अरुण दुधवडकर, कुडाळ मालवणचे आमदार वैभव नाईक यांनी आज धामापूर गावभेट दौरा केला. यावेळी ही निवड करण्यात आली. दरम्यान गावातील विकास कामांचा आढावा घेऊन ग्रामस्थांच्या समस्या जाणून घेतल्या.

यावेळी शिवसेना उद्धव बाळासाहेब ठाकरे जिल्हाप्रमुख संजय पडते, महिला जिल्हाप्रमुख जान्हवी सावंत, मालवण तालुकाप्रमुख हरी खोबरेकर, बाळ महाभोज, कमलाकर गावडे, कट्टा ग्रा.प सदस्य बाबू टेंबुलकर, अण्णा गुराम, महिला तालुका प्रमुख श्वेता सावंत, तळगांव सरपंच लता खोत व इतर धामापूर येथील ग्रामस्थ उपस्थित होते.