संतोष साळसकर | शिरगांव: शूटिंग बॉल स्पर्धेत सांगलीच्या मनेराजुरी युथ संघाने अटीतटीच्या अंतिम सामन्यात मनेराजुरी सुशांत संघाला नमवून ओम गणेश चषकावर विजयी मोहोर उमटवली.देवगड तालुक्यातील शिरगाव येथील ओम गणेश क्रीडा मंडळ आणि शिरगाव हायस्कूल अकॅडमी याच्या संयुक्त विद्यमाने शनिवारी सिंधुदुर्ग, रत्नागिरी, कोल्हापूर, सांगली, सातारा या पाच जिल्हा पार पडल्या.

पाच जिल्ह्यातील १४ नामवंत संघात झालेल्या लढतीत अंतिम सामना सांगली जिल्ह्यातील दोन्ही संघा दरम्यान उत्कंठावर्धक चुरशीच्या लढतीत मनोराजुरी युथ संघ अंतिम विजेता ठरला. या संघाला १०,००० रुपये रोख व चषक , तर उपविजेता मनोराजुरी सुशांत संघाला ७,००० रुपये रोख व चषक , कुडाळ तालुक्यातील माणगाव व कोल्हापूर जिल्हा संघाला अनुक्रमे तृतीय व चतुर्थ क्रमांकाचे ५००० रोख रुपये व चषक, तसेच विक्रांत स्पोर्ट शेळेवाडी, हिंगणगाव खुर्द, कळे ( कोल्हापूर ) व मातोड या अनुक्रमे ५ ते ८ क्रमांकाच्या विजेत्या संघाना प्रत्येकी २,५०० रोख पारितोषिके देऊन गौरविण्यात आले. वैयक्तिक पारितोषिकांत बेस्ट शूटर संभाजी भानुसे, बेस्ट नेटमन अमर जमदाडे, बेस्ट लिफ्टर इरफान मुजावर, उत्कृष्ट कार्यकर्ता हर्षवर्धन कदम यांना गौरविण्यात आले. स्पर्धेसाठी पंच म्हणून अरविंद पाटील, बबन गवस, सुरेश पाटील, स्पर्धा नियंत्रक अशोक दाभोळकर तर सामनाधिकरी म्हणून सुरेंद्र सकपाळ यांनी काम पाहिले.

पारितोषिक वितरण समारंभास उपसरपंच अमित साटम, संदीप.साटम, सेवानिवृत्त रायगडचे वनक्षेत्रपाल संजय कदम, विनोद आईर, प्रशांत साटम, दर्पण कदम, विवेक जामसंडेकर, संकेत चव्हाण, दोन्ही संस्थांचे पदाधिकारी व कार्यकर्ते, क्रिडा रसिक उपस्थित होते.*सहृदय सत्कार*शूटिंग बॉल खेळासाठी दिलेल्या योगदानाबद्दल सिंधुदुर्ग जिल्ह्यातील १९ जुन्या जाणकार गुणवंत खेळाडूंचा यावेळी मंडळाच्या माध्यमातून शाल, श्रीफळ व स्मृतिचिन्ह देऊन सहृदय सत्कार करण्यात आला.