प्राध्यापक रमाकांत सीताराम गावडे यांना माजी केंद्रीय मंत्री रत्नमाला सावनूर यांच्या हस्ते राष्ट्रीय शैक्षणिक सेवा गौरव पुरस्कार
प्रदान हरमल-गोवा येथील कार्यक्रमात सन्मानित
बांदा /राकेश परब: गोगटे-वाळके महाविद्यालयाचे प्राध्यापक रमाकांत सीताराम गावडे यांना हरमल-गोवा येथे माजी केंद्रीय मंत्री रत्नमाला सावनूर यांच्या हस्ते राष्ट्रीय शैक्षणिक सेवा गौरव पुरस्कार प्रदान करण्यात आला. यावेळी माजी केंद्रीय कायदा मंत्री विरप्पा मोईली, गोव्याचे माजी मुख्यमंत्री लक्ष्मीकांत पार्सेकर, केंद्रीय मंत्री रत्नमाला सावनूर, कोल्हापूरचे महापौर राजू शिंगाडे, बेळगावचे खासदार अमरसिंग पाटील, अरविंद घट्टी, गुजरातच्या कोमल शर्मा, दिल्लीचे विशेष अभियंता जयराज लोंढे, बिदरचे जिल्हा पोलीस अधीक्षक महेश मेघन्नावर आदी मान्यवर उपस्थित होते. प्रा. गावडे यांना यापूर्वी मुंबई विद्यापीठाचा उत्कृष्ट एनएसएस कार्यक्रम अधिकारी पुरस्कार व महाराष्ट्र शासनाच्या करिअर कट्टा या उपक्रमात उत्कृष्ठ समन्वयक म्हणून पुरस्कार प्राप्त झाला आहे. यावेळी त्यांच्यासोबत त्यांची शिक्षिका पत्नी सौ. रेश्मा गावडे, भाऊ विजय गावडे उपस्थित होते. प्रा. गावडे यांचा शाल, श्रीफळ, पुष्पगुच्छ, सन्मानचिन्ह, सन्मानपत्र, म्हैसूरी फेटा व कंठहार देऊन सन्मान करण्यात आला.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
