शिरगांव / संतोष साळसकर: मालवण तालुक्यातील वेरली – सडेवाडी येथील रहिवाशी, कु. हृदया आशिष चव्हाण वय ५ महिने ही तान्हुली यकृताच्या बिलीरी एटरेसिया या आजाराने त्रस्त आहे. तिच्या यकृतावर नानावटी हॉस्पिटल, विले पार्ले मुंबई येथे, १६,५०,०००/- (साडेसोळालाखाची) शस्त्रकिया केल्यास मुलगी पुर्ण बरी होणार. या शस्त्रक्रिये साठी आर्थिक मदतीची त्वरित गरज आहे. या सहकार्या शिवाय, कु. ह्रदयाचे आईवडील सौ. श्री अंतरा आशिष चव्हाण यांच्याकडे पर्याय नाही. या कुटुंबाला समाजातील जास्तीत जास्त दानशुरांनी तसेच विविध सामाजिक संस्थांनी आर्थिक सहकार्याचा हात पुढे केल्यास या ५ महिन्याच्या बाळाला जीवदान मिळू शकेल.या आपल्या लहान मुलीसाठी तिचे वडील हे स्वतः आपल्या यकृताचा काही भाग आपल्या मुलीसाठी दान करणार आहेत. मात्र त्यासाठी १६,५०००० रू. एवढा मोठा खर्च होणार आहे. एव्हढा मोठा खर्च करण्यासाठी या आईवडिलांकडे एव्हढा पैसा नाही तरी समाजातील दानशूर व्यक्तींनी, विविध सामाजिक संस्थांनी आर्थिक मदतीचा हात पुढे करावा असे या मुलीच्या आईवडिलांनी, समस्त चव्हाण कुटुंबीयांनी आवाहन केले आहे. “बिलीरी एटरेसिया” म्हणजेच पित्त विषयक हा आजार आहे. पहिला उपाय म्हणुन कसाई सर्जरी डॉक्टरांच्या सल्ल्याने ९ मे रोजी करण्यात आली. तरीपण तिला वारंवार इन्फेक्शन होत आहे. तिच्या वयाच्या प्रमाणे तिचे वजनही वाढत नाही. लिव्हर बायोसीचा रिपोर्ट पाहता डॉक्टरांचे म्हणणे आहे, की तिला लिव्हर ट्रान्सप्लांट ची गरज आहे. लिव्हर ट्रान्सफरंटच्या शस्त्रक्रियेसाठी साधारणता १६५००००/- लाख रुपये खर्च आहे. एवढी मोठी रक्कम जमा करण्यासाठी चव्हाण कुटुंब असक्षम आहे. आता या बाळाचे जगणे केवळ आपल्या सारख्या दानशुरांच्या हातात आहे. तरी आपण पुढील दिलेल्या खात्यावर आर्थिक मदत जमा करावी अशी विनंती मुलीचे आईवडील श्री./सौ. अंतरा आशिष चव्हाण यांनी या प्रसिध्दी पत्रकाव्दारे केली आहे.आशिष चंद्रकांत चव्हाण यांच्या सेंट्रल बॅंक ऑफ इंडिय Central Bank of India A/c No – 3747452174IFSC Code – CBIN0280603 Google Pay Ashish 9769598180 UPI ID- ashishchavan833-1@okaxisName – Ashish Chandrakant Chavan.यावर रक्कम जमा करावी असे आवाहन करण्यात आले आहे.