भाजपा तालुकाप्रमुख धोंडी चिंदरकर यांनी घेतली निरीक्षक चव्हाण यांची भेट

आचरा | विवेक परब : केंद्रिय मंत्री नारायण राणे यांची जन आशीर्वाद यात्रा २६ आँगस्टला आच-यात येत आहे. या पार्श्वभूमीवर आचरा नारायण राणे यांच्या स्वागतासाठी सज्ज होत आहे.त्या अनुषंगाने भाजप तालुका प्रमुख धोंडी चिंदरकर यांच्याकडून करण्यात आलेल्या नियोजनाचा आढावा पोलीस सहाय्यक निरीक्षक सचिन चव्हाण यांनी घेतला. त्यांनी तालुका प्रमुख धोंडी चिंदरकर यांची भेट घेत त्यांच्याशी चर्चा केली.
केंद्रीय मंत्री नारायण राणे यांचे आचरा विभागात आगमन २६ ऑगस्ट रोजी नेमके किती वाजता होईल, त्यावेळी कशा पध्दतीने स्वागत सोहळ्याची तयारी केली जाणार आहे, यादरम्यान किती वाहने या रँली मध्ये असतील, ट्राफिक जाम होऊ नये या व अन्य बाबींचा आढावा सहाय्यक पोलिस निरीक्षक सचिन चव्हाण यांच्या कडून घेण्यात आला.
तसेच आचरा तिठा येथे केंद्रीय मंत्री नारायण राणे यांचे स्वागत झाल्यानंतर त्यांचा पुढील प्रवास कसा असणार आहे याची देखील माहिती चव्हाण घेतली गेली. यावेळी तालुका प्रमुख चिंदरकर यांनी या संपूर्ण नियोजनाची माहिती देत प्रशासनाला संपूर्ण सहकार्य केले जाईल अशी ग्वाही देखील सहाय्यक पोलिस निरीक्षकांनी दिली.यावेळी संतोष कोदे, संतोष गांवकर, चिंदर उपसरपंच दिपक सुर्वे उपस्थित होते.