सनराईज सामाजिक संस्थेच्या वतीने आडवली-मालडी मधील शाळांना क्रीडा साहित्य वितरण.
गुणवंतांच्याही घरी जाऊन फाऊंडेशनने केला अनोखा सत्कार…!
मालवण | विनीत मंडलिक : सिंधुदुर्ग जिल्ह्यातील सनराईज सामाजिक संस्था, मालवण यांच्या वतीने आडवली-मालडी गावातील सर्व शाळांमध्ये क्रीडा साहित्याचे वाटप करण्यात आले.दिनांक 25 जूनला या साहित्यांचे वितरण करण्यात आले.
तसेच आर.ए. यादव हायस्कूल आडवली या प्रशालेचा माध्यमिक शालांत परीक्षेचा निकाल 100% लागला व सातत्यपूर्ण निकालाची परंपरा अबाधित राखत यंदाही परीक्षेस प्रविष्ट सर्व विद्यार्थ्यांनी निर्भेळ यश संपादन केले.
यांमध्ये प्रथम क्रमांक अनुक्रमे कु. अनिकेत प्रकाश कदम- 94.40%
द्वितीय क्रमांक: कुमारी श्रावणी सुरेश मेस्त्री- 89.80%
तृतीय क्रमांक: पार्थ अनिल पुजारे- 86.40%
यांनी मिळवलेल्या यशाबद्दल त्यांच्या घरी जाऊन सत्कार करण्यात आला तसेच पुढील वाटचालीस शुभेच्छा देण्यात आल्या.
यावेळी सनराईज संस्थेचे अध्यक्ष गणेश मालंडकर, मिलिंद चव्हाण, तुषार चव्हाण, विनायक भिडे, सुबोध चव्हाण, प्रणय चव्हाण उपस्थित होते.
सनराईझ फाऊंडेशनच्या शैक्षणिक स्तरावरील या दोन वेगवेगळ्या प्रकल्पांबद्दल मालवण तालुक्यातील सर्व स्तरांतून त्यांची प्रशंसा होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
