बांदा येथे श्रीरामनवमी उत्साहात साजरी.....!
बांदा |राकेश परब : श्री रामनवमीचा सण बांदा येथे मोठ्या उत्साहात व भक्तीमय वातावरणात साजरा कऱण्यात आला.गेली दोन वर्षे कोरोनाच्या निर्बंधामुळे भाविकांना हा सण साजरा करता आला नव्हता.यंदा हा सोहळा मोठ्या भव्यतेने साजरा झाला.
बांदा येथिल श्री विठ्ठल मंदिरात भजन व नामस्मरण करत रामनामाच्या गजरात दुपारी ठिक बारा वाजता श्री रामाला पाळण्यात घालण्यात आले. यावेळी भाविकांनी फुलांचा वर्षाव केला.त्यानंतर ढोलताशाच्या गजरात प्रभु श्रीरामचंद्रांची पालखी निघाली. श्री बांदेश्वर मंदिरातही याच वेळेत मोठ्या उत्साहपूर्ण वातावरणात श्रीरामजन्माचा सोहळा होऊन वाजतगाजत पालखी निघाली. मार्गात दोन्ही पालख्यांच्या भेटीचा सोहळा झाला. त्यानंतर पारंपारिक मार्गाने विविध देवस्थानांची श्रीरामभेट करुन पालख्या मंदिरात परत आल्या.
बांदा साईमठातही पहाटे काकडआरती,पुजा ,श्रीरामप्रभुंची मिरवणुक,दुपारी महाप्रसाद यांसह विविध कार्यक्रम आयोजित करण्यात आले होते. संत सोहिरोबानाथ आंबिये मठातही श्रीरामजन्मोत्सव तसेच संत सोहिरा निर्याणदिन साजरा झाला. पानवळ येथिल श्रीरामपंचायतन मंदिरातही संपुर्ण दिवसभर विविध धार्मिक कार्यक्रमांचे आयोजन करण्यात आले होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
