मसुरे | प्राजक्ता पेडणेकर : डागमोडे गावाच्या सर्वांगीण विकासासाठी आपले नेहमीच सहकार्य लाभणार असून यापुढेही येथील उर्वरित विकास कामे प्राधान्याने पूर्ण करण्याचा मी प्रयत्न करेन. येथील रस्ता आणि शेतकऱ्यांचा जिव्हाळ्याचा असा धूपप्रतिबंधक बंधारा प्राधान्याने पूर्ण करण्याचे आश्वासनही आमदार वैभव नाईक यांनी मसुरे येथे बोलताना दिले . मसुरे डागमोडे येथे श्री देव रवळनाथ मंदिर येथील श्री देवी भवानी मातेच्या गोंधळा निमित्त आमदार वैभव नाईक यांनी सदिच्छा भेट दिली होती. यावेळी आमदार वैभव नाईक यांनी डागमोडे मधील विविध विकासात्मक प्रश्न मार्गी लावले होते या बाबत आमदार वैभव नाईक आणि मान्यवरांचा सत्कार आयोजित करण्यात आला होता.यावेळी बोलताना युवा नेते संदेश पारकर म्हणाले आदरणीय मुख्यमंत्री उद्धवजी ठाकरे यांच्या मार्गदर्शनाखाली संपूर्ण सिंधुदुर्ग जिल्ह्याचा विकास शिवसेनेच्या माध्यमातून आज होत आहे. आमदार वैभव नाईक यांचे कार्य कर्तुत्व आज संपूर्ण जिल्ह्यासाठी भूषण वाह आहे. येथील सर्वांगीण विकासासाठी शिवसेना कटीबद्ध आहे. यावेळी सिने अभिनेत्री प्राजक्ता वाडये बोलताना म्हणाली हे गाव म्हणजे माझे आजोळ असून आज येथील सर्व ग्रामस्थांनी, नवतरुण मंडळाने जो माझा सत्कार केला हा सत्कार माझ्या जीवनातील अविस्मरणीय असा प्रसंग आहे. मी कितीही पुढे गेली तरी या गावाला विसरणे शक्य नाही. यावेळी नवनिर्वाचित ग्रामपंचायत सदस्य गार्गी ठाकूर, पूजा ठाकूर, राज्य कबड्डी असोसिएशनचे दिनेश चव्हाण, नितीन हडकर, प्राजक्ता वाडये यांचा विशेष सत्कार करण्यात आला. यावेळी युवा नेते संदेश पारकर, प्राजक्ता वाडये, शिवसेना तालुकाध्यक्ष हरी खोबरेकर,सरपंच संदीप हडकर, शिवसेना युवा नेते पंकज वर्दम, उपसरपंच राजेश गावकर, पप्पू मुळीक, छोटू ठाकूर, माजी पंचायत समिती सदस्य गायत्री ठाकूर, पूजा ठाकूर, गार्गी चव्हाण, बाळ प्रकाश ठाकूर, शिवाजी ठाकूर, मोहन ठाकूर, पत्रकार प्रफुल्ल देसाई, बाळा आंग, बाबू आंग, व्यंकटेश ठाकूर, पांडूरंग ठाकुर, संदेश ठाकूर, सोमा ठाकूर, हरी ठाकूर, रमेश ठाकूर, प्रकाश ठाकूर,ओमकार ठाकूर, अनिल ठाकूर, महेश ठाकूर, बुधाजी ठाकूर, अमित ठाकूर, स्वप्नील ठाकुर, समीर ठाकूर, पंकज ठाकूर, देविदास ठाकूर, गुरुनाथ ठाकूर, राजेंद्र ठाकूर, महेश ठाकूर, किशोर ठाकूर, सुभाष ठाकूर, प्रशांत चव्हाण, रमेश चव्हाण, परशुराम ठाकूर, कमलेश ठाकूर, रवी ठाकूर, दादा डागमोडेकर, मंगेश ठाकूर, सौरभ ठाकूर, संजय ठाकूर आणि नवतरूण मित्र मंडळाचे सदस्य उपस्थित होते कार्यक्रमाचे सूत्रसंचालन बाळ प्रकाश ठाकूर, प्रास्ताविक शिवाजी ठाकूर व आभार श्री. दत्तप्रसाद पेडणेकर यांनी मानले.