मालवण | सुयोग पंडित : ‘तिमिरातूनी तेजाकडे’ या शैक्षणिक प्रतिष्ठानचे संस्थापक आणि शिक्षणप्रसारक सत्यवान यशवंत रेडकर यांचा चिपळूण ,गुहागर,दापोली व खेड असा कोकण दौरा जाहीर झाला आहे.

या दौर्याअंतर्गत श्री.रेडकर निःशुल्क शासकीय स्पर्धा परीक्षा मार्गदर्शन आणि शैक्षणीक पद्धती या विषयांवर विद्यार्थीनी व विद्यार्थ्यांना मार्गदर्शन करणार आहेत.

गुरुवार 14 एप्रिलला सकाळी 09:30 वाजता न्यू इंग्लिश स्कूल व ज्युनियर काॅलेज खेर्डी,चिंचघरी सती,तालुका चिपळूण,जिल्हा रत्नागिरी आणि दुपारी 2 वाजता निर्मल ग्रामपंचायत,आंबवली,तालुका खेड,जिल्हा रत्नागिरी येथील व्याख्यान मार्गदर्शन सत्रांपासून हा दौरा सुरु होत आहे.

यानंतर 15 एप्रिलला सकाळी 9 वाजता श्री सोम नागेश्वर मंदिर,भेळेवाडी तळवली,तालुका गुहागर ,जिल्हा रत्नागिरी व दुपारी 1 वाजता न्यू इंग्लिश स्कूल,पाटपन्हाळे शृंगारतळी,तालुका गुहागर,जिल्हा रत्नागिरी येथे मार्गदर्शन केले जाणार आहे.

तिसर्या दिवशी दिनांक 16 एप्रीलरोजी सकाळी 9 वाजता पूज्य सानेगुरुजी मंदिर पालगड ,तालुका दापोली,जिल्हा रत्नागिरी आणि दुपारी 2 वाजता न.का.वराडकर कला, रा.वि.बेलोसो वाणिज्य व कै.शांतीलाल जैन विज्ञान कनिष्ठ महाविद्यालय दापोली येथे व्याख्यान मार्गदर्शन केले जाणार आहे.

या दौर्याच्या अंतिम चरणामध्ये 17 एप्रिलला एल.पी.इंग्लिश स्कूल व ज्युनियर काॅलेज खेड,तालुका खेड जिल्हा रत्नागिरी येथे 9 वाजता आणि दुपारी 1 वाजता समर्थ कृपा इंग्लिश मिडियम स्कूल (सि.बी.एस.ई.) व ज्युनियर काॅलेज वेरळ,तालुका खेड, जिल्हा रत्नागिरी येथील व्याख्यान मार्गदर्शन सत्राने हा दौरा संपन्न होणार आहे.

तरी वरील सर्व विभागातील विद्यार्थ्यांनी या निःशुल्क व्याख्यान सत्रांना उपस्थिती दर्शवून स्वतःच्या उज्वल शैक्षणिक भविष्यासाठी व कारकिर्दिसाठी मार्गदर्शन व्याख्यानांचा लाभ घ्यावा असे आवाहन करण्यात आले आहे.