विलवडेत पारंपारिक संस्कृती आणि धार्मिक प्रथा जोपासणारा शिमगोत्सव उत्साहात साजरा
बांदा | राकेश परब : सिंधुदुर्ग जिल्ह्यातील विलवडे गावात पारंपरिक लोककला व संस्कृती आणि धार्मिक प्रथा – परंपरा वैशिष्ट्य पूर्णरित्या जोपासत सात दिवशीय शिमगोत्सव उत्साहात साजरा करण्यात आला. विलवडे गावातील होळीच्या ठीकाणी मानकरी , ग्रामस्थ, सर्व भाविकांनी तसेच युवकांपासून आबालवृद्धानी ढोल ताशांचा गजरात धुळवड साजरी केल्यानंतर एकमेकांना रंग लावून होळी सण उत्सवाचा आनंद लुटला.
गावात आजही आपल्या जेष्ठांच्या व गाव मानकरी यांच्या मार्गदर्शनाखाली आपल्या गावचे धार्मिक रीतीरिवाज , संस्कृती व परंपरा याचे जतन करीत आहे. दरवर्षी ७ दिवस चालणारा उत्सव यावर्षी दोन वर्षांच्या कोरोना काळानंतर मोठ्या उत्साहात संपन्न झाला . बुधवारी सायंकाळी होळी कडे नारळ ठेवून गा-याणे घालणे. घोडेमोडणी, नारळ तोंडणी आदि कार्यक्रमात उत्साहात साजरे झाले. त्यानंतर ‘ धूळवड ‘ साजरी करण्यात आली. पिपळेश्वर येथे होळीचा नारळ तोडणी केल्यानंतर नदीवर स्नान करुन शिमगोत्सवाची सांगता झाली. गुरुवारी सकाळ पासून संध्याकाळ पर्यत ‘न्हावान’ देण्यांचा कार्यक्रम झाला.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
