चिंदर | विवेक परब : सिंधुदुर्ग जिल्ह्यातील वेंगुर्ले आगाराची पणजी ( गोवा ) एस.टी.ची फेरी येत्या आठ दिवसात सुरु करावी अन्यथा भाजपा वेंगुर्लेच्यावतीने आंदोलन करण्यात येईल असा इशारा वेंगुर्ले आगार व्यवस्थापकांना भाजपा शिष्टमंडळाने दिला.

कोवीडच्या काळापासुन अनियमित असलेली पणजी फेरी ही एस्. टी.कर्मचारी संपापासुन पुर्ण पणे बंद आहे . त्यामुळे नोकरदार वर्ग, शाळा काॅलेज मध्ये जाणारे विद्यार्थी, गोवा राज्यात जाणारे रुग्ण यांना अडचणींचा सामना करावा लागतो. तसेच सदर एस्. टी.चा फायदा उभादांडा – मोचेमाड -आरवली – शिरोडा – आजगाव – मळेवाड – सातार्डा येथील ग्रामीण भागातील प्रवाशांना पण होतो .त्यामुळे सर्वांचे हाल होत आहेत.

सद्यस्थीतीत एस्. टी.चे कर्मचारी कामावर रुजू झाले आहेत, त्यामुळे आता एस्. टी.ची सेवा हळुहळु सुरु झाली आहे. परंतु अजून पर्यंत भारमान देणारी पणजी फेरी सुरु करण्यात आलेली नाही, त्यामुळे एस्. टी.महामंडळाचेही नुकसान होत आहे. म्हणून येत्या आठ दिवसात ही फेरी सुरु न केल्यास भाजपा वेंगुर्ले च्या वतीने आंदोलन केले जाईल असा इशारा आगार व्यवस्थापक वारंग यांना देण्यात आला.

या निवेदनाची दखल भाजपा वेंगुर्लेच्या वतीने घेतली जाऊन आगार व्यवस्थापकांना निवेदन दिल्यावर ताबडतोब आगार व्यवस्थापकांनी वरीष्ठांशी चर्चा करुन बुधवार पासुन पणजी साठी सकाळी ६ :३० व दुपारी २ : ४५ अशा पुर्वी प्रमाणे दोन फेर्या सुरु करण्याचे अभिवचन दिले .

यावेळी जिल्हा सरचिटणीस प्रसंन्ना देसाई , तालुकाध्यक्ष सुहास गवंडळकर , महिला तालुका अध्यक्षा स्मिता दामले , जिल्हा उपाध्यक्ष ॲड. सुषमा खानोलकर , उपनगराध्यक्षा कु शितल आंगचेकर , मच्छिमार सेलचे जिल्हाध्यक्ष दादा केळुसकर , जि.का.का.सदस्य वसंत तांडेल , ता.सरचिटणीस बाबली वायंगणकर , नगरसेवक प्रशांत आपटे – श्रेया मयेकर , ता.चिटनीस जयंत मोंडकर , युवा मोर्चा शहर अध्यक्ष प्रणव वायंगणकर , ता.उपाध्यक्ष मनवेल फर्नांडिस , आय. टी.सेलचे केशव नवाथे , महिला मोर्चा च्या व्रुंदा गवंडळकर व रसीका मठकर , ओंकार चव्हाण , वायंगणी उपसरपंच हर्षद साळगांवकर , युवा मोर्चा चे भुषण सारंग , संतोष खानोलकर इत्यादी भाजपा पदाधिकारी व कार्यकर्ते उपस्थित होते .