मुणगे हायस्कुल येथे दहावीच्या विध्यार्थ्यांचा निरोप समारंभ

मसुरे | प्राजक्ता पेडणेकर : आयुष्याच्या पुढील टप्यावर पुन्हा शाळेचा आनंद मिळत नाही. जीवनात सहजा सहजी काही मिळत नाही. त्यामुळे जीवनात संघर्ष करायला शिका. चांगले गुण मिळवताना चांगले माणूस बना. समाजामध्ये तुमचं नाव चांगल्या पद्धतीने घेतलं गेलं पाहिजे. माजी विद्यार्थी म्हणून तुमची जबाबदारी ओळखा व शाळेचे ऋण भविष्यात विसरू नका. विध्यार्थी दशेतच आयुष्याचा आराखडा तयार करा. स्वप्न जागे पणी पहा व स्वप्नांचा पाठलाग करा असे आवाहन श्री भगवती एज्युकेशन सोसायटीचे व्यवस्थापक देवदत्त उर्फ आबा पुजारे यांनी येथे केले.

मुणगे येथील श्री भगवती हायस्कुलच्या दहावीच्या विद्यार्थ्यांचा निरोप समारंभ हायस्कुलच्या सभागृहात आयोजित करण्यात आला होता. त्यावेळी ते बोलत होते.
यावेळी व्यासपीठावर शाळा समिती अध्यक्ष निलेश परुळेकर, मुणगे सोसायटी अध्यक्ष गोविंद सावंत, विजय पडवळ, जेष्ठ शिक्षिका श्रीमती एम. बी. कुंज, श्रीपाद बागवे, प्रसाद बागवे, एन. जी. वीरकर, बाबाजी सावंत, सौ. गौरी तवटे, हरीश महाले, प्रियांका कासले, सौ. प्रियांका ठाकूर, गुरुप्रसाद मांजरेकर, स्वप्नील कांदळगावकर, नामदेव बागवे, सुरेश नार्वेकर, मनोहर कडू, संतोष मुणगेकर, तसेच शिक्षक विध्यार्थी उपस्थित होते. यावेळी शाळा समिती अध्यक्ष निलेश परुळेकर म्हणाले, निलेश परुळेकर म्हणाले, जीवनात नेहमी नम्रता बाळगा. तुमचे वेगळेपण चार चौघात उठून दिसल पाहिजे. प्रयत्नांना चांगल्या विचारांची जोड ध्या.
यावेळी विध्यार्थी तसेच शिक्षकांनी मनोगत व्यक्त केले. दहावीच्या विद्यार्थ्यांनी प्रत्येक वर्गाला भिंतीवरील घड्याळ भेट दिले. सोसायटी अध्यक्ष गोविंद सावंत यांनी दहावीच्या सर्व विध्यार्थ्यांना परीक्षेसाठी शैक्षणिक साहित्य भेट दिले. सूत्रसंचालन व आभार सौ गौरी तवटे यांनी मानले.