मसुरे | प्राजक्ता पेडणेकर : सामान्यतः विद्यार्थ्यांना शासकीय दाखले मिळविताना अनेक अडचणी येत असतात. भविष्यात विद्यार्थी आणि पालक यांना असे विविध शासकीय दाखले महसूल विभागाच्या वतीने देण्यासाठी महसूल विभाग या पुढे सर्वतोपरी सहकार्य करणार आहे.

महाराष्ट्र शासनाच्या ‘महाराजस्व अभियान अंतर्गत’ गावागावात हे दाखले उपलब्ध करून देणार आहोत. याचा लाभ विद्यार्थी पालक यांनी घेऊन आपल्या विद्यार्थ्यांची शैक्षणिक उन्नती साधावी. यासाठी महसूल विभागातर्फे सर्वतोपरी सहकार्य करण्याचे आश्वासन मसुरे येथे बोलताना मालवण तहसीलदार श्री अजय पाटणे यांनी सांगितले.

मसुरे आर पी बागवे हायस्कूल येथे महाराजस्व अभियान या शासनाच्या अभियानाअंतर्गत येथील विद्यार्थ्यांना मोफत शैक्षणिक दाखले देण्याचा शुभारंभ मालवण तहसीलदार अजय पाटणे यांच्या हस्ते करण्यात आला. हे दाखले उपलब्ध करून देण्यासाठी तहसीलदार अजय पाटणे यांच्या मार्गदर्शनाखाली मसुरे मंडळ अधिकारी श्रीयुत सुहास चव्हाण,तलाठी आर एस शेजवळ, महा ई सेतूचे श्रीयुत नवनाथ गोसावी, तलाठी आर एस शेजवळ आणि आरपी बागवे हायस्कूलचे प्राचार्य के ए चव्हाण यांनी विशेष प्रयत्न केले. मसुरे येथील पहिल्या टप्प्यामध्ये सुमारे 30 विद्यार्थ्यांना या दाखल्यांचे वितरण अजय पाटणे यांच्या शुभहस्ते करण्यात आले.

यावेळी व्यासपीठावर आरपी बागवे हायस्कूलचे मुख्याध्यापक के ए चव्हाण, मंडळ अधिकारी श्री सुहास चव्हाण, पत्रकार दत्तप्रसाद पेडणेकर, तलाठी शेजवळ, महसूलचे कर्मचारी श्रीकांत खोत, ई-सेवा केंद्राचे श्रीयुत नवनाथ गोसावी, एस बी चौगुले, आर एल पाताडे, एस व्हीं पिंगुळकर, एन एस जाधव, बी एस ठाकूर, के जी घाटे, समीर नाईक, आय एम नाटेकर, व्ही एस जाधव, भानुदास परब, डी पी पेडणेकर,चरणदास फुकट, अनिल मेस्त्री उपस्थित होते. यावेळी सर्व मान्यवरांचे स्वागत मुख्याध्यापक के ए चव्हाण यांनी सूत्रसंचालन बी एस ठाकूर यांनी केले. इयत्ता दहावी बारावीच्या विद्यार्थ्यांनी परीक्षा निकालाची वाट न पाहता अगोदरच शैक्षणिक प्रवेशासाठी लागणारे सर्व दाखले उपलब्ध करून ठेवल्यास भविष्यात कोणतीही अडचण येणार नाही तसेच या सर्व विद्यार्थ्यांना मालवण तहसीलदार कार्यालयात कडून जे जे काही सहकार्य हवा असेल ते ते देण्याचे आश्वासनही या वेळी तहसीलदार अजय पाटणे यांनी मार्गदर्शन करताना दिले.

महाराष्ट्र शासना अंतर्गत महसूल विभागाच्या या उपक्रमाचे आणि यासाठी महत्त्वपूर्ण योगदान देणारे मालवण तहसीलदार अजय पाटणे यांचे उपस्थित विद्यार्थी, पालक,ग्रामस्थ आणि शिक्षक वर्गाने विशेष कौतुक केले.

यावेळी ई-सेवा केंद्राचे गोसावी, मंडळ अधिकारी श्रीयुत सुहास चव्हाण, मसुरे महसूल सर्व कर्मचारी,बागवे हायस्कूल कर्मचारी यांनी हे दाखले उपलब्ध करून देण्यासाठी विशेष परिश्रम घेतल्याबद्दल त्यांचाही गौरव करण्यात आला.