बिळवस हायस्कुल येथे झाला सत्कार

मसुरे | प्राजक्ता पेडणेकर : बिळवस येथील शुभस्तू कृष्णाजी पालव हा सनदी लेखापाल परीक्षा उत्तीर्ण झाल्या बद्दल त्याचा बिळवस ग्रामसेवा मंडळ मुंबई व माध्यमिक विद्यालय बिळवस तर्फे बिळवस हायस्कुल मध्ये मंडळाचे अध्यक्ष सूर्यकांत जगन्नाथ पालव यांच्या हस्ते सत्कार करण्यात आला.

यावेळी भास्कर पालव, सुधीर सावंत, शाळा समिती उपाध्यक्ष गोविंद सावंत, मुख्याध्यापक श्री ठाकूर सर, मंडळाचे कार्यकारिणी सदस्य, शालेय समिती सदस्य, शिक्षक शिक्षकेतर कर्मचारी, विद्यार्थी व इतर निमंत्रित व्यक्तीं उपस्थित होत्या.

शुभस्तू यांने विद्यामंदिर गोवंडी मधून शालांत परीक्षेत ९५% गुण मिळविलेले आहेत व १२ वी बी.काॅम चे शिक्षण पोतदार काॅलेज माटुंगा येथे केले व एच.एस.सी परिक्षेत ९२% गुण प्राप्त केलेले आहेत. सदरहू विद्यार्थ्याने जे प्राविण्य संपादन केलेले आहे त्याचे पंचक्रोशीतील प्रत्येक विद्यार्थ्याने अवलोकन करावे हाच मंडळाचा हेतू आहे. पंचक्रोशीतील प्राविण्य प्राप्त विद्यार्थ्यांचा सत्कार करण्याचा मंडळाचा मानस आहे असे प्रतिपादन यावेळी अध्यक्ष सूर्यकांत पालव यांनी केले. मान्यवरांनी शुभस्तू याला पुढील वाटचालीस शुभेच्छा दिल्या.