जागतिक महिला दिनानिमित्त गीतगायन व कविता लेखन स्पर्धा
मसुरे | प्राजक्ता पेडणेकर : अखिल महाराष्ट्र प्राथमिक शिक्षक संघ, शाखा मालवण यांच्या वतीने मालवण तालुकास्तरीय महिला शिक्षकांसाठी गीतगायन स्पर्धा व सर्व शिक्षकांसाठी कविता लेखन स्पर्धा आयोजित करण्यात आली आहे. दोन्ही गटातील गुणानुक्रमे तीन स्पर्धकांना रोख पारितोषिक व प्रमाणपत्र देण्यात येईल. तरी जास्तीत जास्त शिक्षकांनी या स्पर्धेत सहभाग घ्यावा, ही विनंती. महिला शिक्षकांसाठी गीतगायन स्पर्धा मराठी भावगीत किंवा भक्तीगीत गायनाचा व्हिडिओ 9421646516 (तेजल ताम्हणकर) या क्रमांकावर दिनांक 7 मार्चपर्यंत पाठवावा. संगीत साथ किंवा कराओके म्युझिकचा वापर करता येईल.
सर्व शिक्षकांसाठी कविता लेखन स्पर्धा महिला दिन (महिलांची प्रगती, महिलांचा विकास, महिलांचे सामर्थ्य, महिलांच्या समस्या व त्यावर मात ई.) या विषयांवर आधारीत कविता लेखन करुन स्वरचित कविता वाचनाचा व्हिडिओ करावा व 9421263560 (पर्शुराम गुरव) या क्रमांकावर लेखी कविता व व्हिडिओ दिनांक 7 मार्च पर्यंत पाठवावा.
असे आवाहन अखिल महाराष्ट्र प्राथमिक शिक्षक संघ, शाखा मालवण यांच्या वतीने करण्यात आले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
