मसुरे खेरवंदवाडीत साहित्यिक विजय जोशी यांचा सत्कार
चिंदर | विवेक परब : मालवण तालुक्यातील मसुरे खेरवंदवाडी येथे जेष्ठ साहित्यिक श्री. विजय जोशी यांचा सत्कार समारंभ अनुक्रमे त्यांना शिक्षण देणारे प्राथमिक शाळेतील शिक्षक श्री. गोविंद सोनू बागवे(वय९२ वर्षे )गुरुजी यांच्या हस्ते व त्रिंबक गावच्यावतीने साहित्यिक श्री. सुरेंद्र(अण्णा) सकपाळ व एकनाथ गायकवाड यांच्या हस्ते शाल श्रीफळ व पुष्पगुच्छ देऊन संपन्न झाला.
सत्कारानंतर बोलताना जोशी म्हणाले की माझा सत्कार माझ्या शाळेतील गुरुजनांच्या हस्ते होण हा सुवर्ण योगच आहे. मी आज भारावून गेलो आहे. आपल्या काव्य प्रवासाची सुरुवात कशी झाली तो कसा बहरत गेला, साहित्य क्षेत्रात आपण कसे नावारुपाला आलो हे त्यांनी कवितांच्या माध्यमातून कथन केले.
यावेळी चर्चासत्र, मार्गदर्शन व सौ. वर्षाताई अभ्यंकर, एकनाथ गायकवाड व सुरेंद्र(अन्ना) सकपाळ यांनी कविता सादर केल्या. कार्यक्रमाला साहित्य क्षेत्रातील तसेच अनेक मान्यवर उपस्थित होते. कार्यक्रमाचे प्रास्ताविक व समारोप श्री. गुरुनाथ ताम्हणकर यांनी केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
