आचरे गांवची 'यशराज प्रेरणा संघटना' ठरली बॅरिस्टर नाथ पै युवाशक्ती पुरस्काराची मानकरी..!
चिंदर | विवेक परब : गेली काही वर्षे सिंधुदुर्ग जिल्ह्यातील आचरे गांवची ‘यशराज प्रेरणा संघटना’ ही सामाजिक संस्था त्यांच्या विविध समाजोपयोगी उपक्रमांसाठी प्रसिद्ध आहे. त्या उपक्रमांची दखल आता विविध स्तरांवर घेतली जात आहे.
नुकताच अखिल भारतीय साने गुरुजी कथामाला मालवण तालुका शाखेचा ‘बॅरिस्टर नाथ पै युवाशक्ती पुरस्कार’ मालवण तालुक्यातील आचरे येथील ‘यशराज प्रेरणा’ ह्या युवा संघटनेला बाबूकाका अवसरे, बाबाजी भिसळे यांच्या हस्ते प्रदान करण्यात आला. पाच हजार रुपये रोख, स्मृतिचिन्ह, मानपत्र असे या पुरस्काराचे स्वरुप होते. यावेळी ‘यशराज प्रेरणा संघटनेचे’ अध्यक्ष श्री मंदार सरजोशी व ॲड. सायली आचरेकर यांचा सत्कार करण्यात आला. व्यासपीठावर लक्ष्मीकांत खोबरेकर, डॉ. शामराव जाधव, श्रीकांत सांबारी, उपशिक्षणाधिकारी रामचंद्र आंगणे, निलेश सरजोशी, सुरेश गांवकर,शिल्पन गांवकर, सर्व कोमसाप पदाधिकारी कार्यकर्ते कथामाला मालवण अध्यक्ष सुरेश ठाकूर उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
