कट्टा येथील कार्यक्रमात शिक्षक समितीत प्रवेशकर्ते.

पोईप | ओंकार चव्हाण : गेल्या दीड महिन्यांपूर्वी शिक्षक मनोहर मालंडकर हे महाराष्ट्र राज्य प्राथमिक शिक्षक समितीला सोडचिठ्ठी देत शिक्षक भारती या संघटनेत प्रवेशकर्ते झाले होते.परंतु अल्पावधीतच शिक्षक समितीची असणारी लोकशाही पद्धत व सर्वसमावेशक अशी कार्यपद्धती,सभासदांना देण्यात येणारी मैत्रीपुर्वक व आपुलकी आदराची वागणूक दुसऱ्या संघटनेत दिसून न आल्याने ते पुन्हा स्वगृही परतले आहेत.शिक्षकांना न्यायाची व सन्मानाची भूमिका शिक्षक समितीच देऊ शकते ही धारणा पक्की झाल्याने शिक्षक समितीच्या विचारधारेत पुन्हा समाविष्ट होत असल्याची भावना यावेळी मालंडकर यांनी व्यक्त केली.अल्प काळ आपण अन्य संघटनेत राहिलो,तिकडे गेल्यावर मला मानसन्मान देण्याचे,माझे मत उचलून धरून कार्यवाही करण्याची केवळ दिखाऊ कृती करण्यात आल्या.परंतु खायचे दात वेगळे व दाखवायचे वेगळे याची प्रचिती आपणास अन्य संघटनेत आल्याचे मालंडकर यांनी सांगत यापुढे प्राथमिक शिक्षकांनी केवळ आणि केवळ शिक्षक समितीवरच विश्वास दाखवावा.शिक्षक समितीच शिक्षकांची तारणहार आहे असे मत व्यक्त करत प्रवेश केला.
यावेळी जिल्हाध्यक्ष नितीन कदम यांचे हस्ते सत्कार स्वीकारत मनोहर मालंडकर हे स्वगृही दाखल झाले.यावेळी शिक्षक समिती मालवणचे तालुका अध्यक्ष परमानंद वेंगुर्लेकर, जेष्ठ मार्गदर्शक भाई चव्हाण,सचिव नवनाथ भोळे सल्लागार श्रीकृष्ण सावंत, जिल्हाउपाध्यक्ष चंद्रसेन पाताडे ,शिक्षक नेते मंगेश कांबळी,कार्याध्यक्ष रूपेश गरुड,पतपेढी संचालक राजेंद्रप्रसाद गाड,ज्येष्ठ सल्लागार अरुण गोसावी,जिल्हा संघटक प्रकाश झाडे तसेच
बाळकृष्ण नांदोसकर,संतोष नेरकर, भाग्यश्री वाडकर,सुयोग धामापूरकर,दिनेश ठाकूर,रेखा वंटे,कल्पना परब,सावली सुर्वे,सौ.गोसावी मॅडम, राजेंद्र गोसावी,तानाजी गावडे,प्रकाश पवार,अपर्णा माईणकर,हनुमंत आखाडे,प्रमोद राणे,प्रदीप सावंत,विकास घाडीगांवकर,दीपक गोसावी,मारुती चव्हाण आदी समिती कार्यकर्ते उपस्थित होते.